nato: türkiye – girétsiye otturisida ornitilghan mixanizimdin xursenmiz

shimaliy atlantik ehdi teshkilati bash katipi stolténbérg türkiye – girétsiye otturisida ornitilghan mixanizimdin xursen ikenlikini bildürdi.

1514587
nato: türkiye – girétsiye otturisida ornitilghan mixanizimdin xursenmiz

türkiye awazi radiyosi xewiri: stolténbérg, shimaliy atlantik ehdi teshkilati dölet mudapie ministirlirining widéo konférans wasitisi arqiliq chaqirilghan yighinining birinchi künidiki bölümi axrlashqandin kéyin bergen bayanatida, yighinda, sherqiy aqdéngiz mesilisi heqqide muzakire élip barghanliqlirini, dölet mudapie ministirlirining xelqara qanun we ehdiname hemkarliqi dairiside, rayonda sürkilishni azaytishning zörürlüki mesiliside ortaq tonush hasil qilghanliqini tekitlep mundaq dédi: «nato dölet mudapie ministirliri yene, sherqiy aqdéngizdiki weqeler we qazalarning aldini élish meqsitide shimaliy atlantik ehdi teshkilatidiki toqunushlargha taqabil turushqa qarita mixanizimni qizghin qollidi. hawada we déngizda ölüm hadisilirining aldini élish éghir mesuliyettur. bu mesuliyetni peqet paraxotlirimizning kapitanliri we ayropilanlirimizning uchquchilirining zimmisigila yüklep qoyalmaymiz. biz siyasiyonlar bolush süpitimiz bilen, ixtilaplirimizni hel qilish üchün qolimizdin kélishiche tirishchanliq körsitishimiz lazim.»

yarashturush métodliri méxanizmining siyasiy muzakiriler üchün zémin hazirlap béreleydighanliqini bayan qilghan stolténbérg, gérmaniyening tirishchanliqi körsitishi bilen izdinish söhbetlirining bashlinishini ümid qilidighanliqini, bu méxanizimning buni qollaydighanliqini tekitlep mundaq dédi: «türkiye bilen girétsiyening ortaq tirishchanliq körsitip, bundaq mixanizim ornatqanliqidin xursenmiz. derweqe, terepler 7 kün, 24 saet uchur - alaqe ornitalaydighan bir qanal shekillendürdi. bu mixanizimning dairisini qandaq kéngeytkili we küchlendürgili bolidighanliqigha qaraymiz. türkiye bilen girétsiye nato qarargahida kündilik uchrishishlarni élip barmaqta. ixtilaplar we oxshimighan qarashlar mewjut. bügünki ministirlar yighinidimu bu heqte muzakiriler élip bérildi. toqunushning aldini élish mixanizimi, diyalog, sürkilishni azaytish we natodiki mixanizimni qandaq küchlendürüsh pilanimiz küchlük qollashqa érishti.


خەتكۈچ: #girétsiye , #türkiye , #nato

مۇناسىۋەتلىك خەۋەرلەر