nato: qarabagh mesiliside terep emesmiz

shimaliy atlantik ehdi teshkilati bash katipi stolténbérg natoning taghliq qarabaghdiki toqunushta terep emeslikini erméniye pirézidénti armén sarkisyangha xatiriletkenlikini bildürdi.

1513660
nato: qarabagh mesiliside terep emesmiz

türkiye awazi radiyosi xewiri: stolténbérg, erméniye pirézidénti armén sarkisyan bilen bélgiyening paytexti biryusséldiki nato qarargahida élip barghan uchrishishidin kéyin élan qilghan bayanatida, körüshüshte, taghliq qarabaghning nöwettiki weziyiti heqqide muzakire élip barghanliqlirini tekitlep mundaq dédi: «hörmetlik pirézidéntqa, natoning bu toqunushning bir parchisi emeslikini xatirilettim. ezerbeyjanmu, erméniyemu uda 25 yildin buyan natoning qimmetlik hemrahliridur.»

shimaliy atlantik ehdi teshkilatining urush toxtitish kélishimining depsende qilinishidin endishilik ikenlikini eskertken stolténbérg, ixtilaplargha xatime bérilishi, derd – elemlerning tügishi we kirizisning tinch yollar bilen hel qilinishining zörürlükini tekitlep mundaq dédi: «bizning telipimiz shuki, terepler soghuqqanliq bilen heriket qilishi we urush toxtitish kélishimige riaye qilishi kérek, sürkilishler derhal azaytilishi lazim. derweqe, puqralarning hujum nishanigha aylinip qélishini qobul qilish mumkin emes. hemme kirizisning siyasiy yollar arqiliq üzül – késil hel qilinishi üchün tirishchanliq körsitishi kérek. erméniye bilen ezerbeyjanning dawamliq söhbet ötküzüshi shert.»



مۇناسىۋەتلىك خەۋەرلەر