makronning musulmanlargha qarshi pozitsiyesi b d t kishilik hoquq kéngishige erz qilindi

fransiyede islam düshmenlikige qarshi turush kolléktipi (CCIF) pirézidént émmanuél makron hökümitining musulmanlargha tutqan pozitsiyisi sewebidin birleshken döletler teshkilati kishilik hoquq kéngishige erz sundi.

1513121
makronning musulmanlargha qarshi pozitsiyesi b d t kishilik hoquq kéngishige erz qilindi

türkiye awazi radiyosi xewiri: firansiyede kemsitishke we hujumlarning tesirige uchrighan musulmanlar üstide tekshürüsh élip bériwatqan islam düshmenlikige qarshi turush kolléktipi (CCIF)  élan qilghan bayanatida, makron hökümiti teyyarlighan bölgünchi pikirlerge qarshi küresh qanun layihisi we musulmanlar jemiyetliri bilen ammiwi teshkilatlirini taqash urunushliri heqqide b d t kishilik hoquq kéngishige erz sunghanliqini bildürdi.

makron aldinqi küni kechte élan qilghan bayanatida, bügün ötküzülidighan ministirlar kéngishi yighinida, pelestinni qollaydighan sheyx yasin kolléktipini taqash qararini chiqiridighanliqini éytqan idi.

émmanuél makron hökümiti teyyarlighan bölgünchi pikirlerge qarshi küresh qanun layihisi dölettiki musulmanlar we jemiyetlerge téximu köp bésim ishlitishni, meschitlerning mebleghlirini téximu qattiq kontrol qilishni we fransiyege cheteldin diniy xadimlarning kélishini tosushni meqset qilidu.

yene bir tereptin, firansiye ichki ishlar ministiri gérald darmanin dölet ichidiki bazarlarda halal yémeklik mehsulatliri üchün ayrim sétish orni bolishidin biaram bolghanliqini bayan qildi.

gérald darmanin «BFMTV» qanilida kün tertipke alaqidar izahat berdi.

darmanin bazarda halal yémeklik mehsulatliri üchün mexsus sétish yerlirining bolishidin heyran qalghanliqini we buningdin biaram bolghanliqini tilgha élip, «bazarlarda peqet halal yémeklik mehsulatlirinila satidighan jaylar bolmasliqi lazim» dédi.

ministir darmanin yene, firansiyede muhemmed peyghemberni haqaretleydighan kartonlarning tarqitilishini we mektep dersliride körsitilsimu bolidighanliqini otturigha qoydi.

darmanin firansiyede yéqinqi 3 yildin buyan meschitlernimu öz ichige alghan 358 orunning taqalghanliqini we 428 chetellikning chégradin qoghlap chiqirilghanliqini éytti.

firansiyede yéqinqi künlerdin béri musulmanlarning ammiwi teshkilatlirigha bolghan bésim we hujumlar köpeymekte.



مۇناسىۋەتلىك خەۋەرلەر