пәләстинликләр әрәб бирләшмә хәлипилики һәйитини мәсҗиди әқсадин һәйдәп чиқарди

түркийә авази радийоси хәвири: пәләстин вади һилва учур мәркизиниң фейсбук бетидә елан қилинған син көрүнүшләр, исраилийә сақчилириниң һәмраһлиқида ақсаға киргән әрәб бирләшмә хәлипилики вәкилләр өмикиниң мәсчит җамаити тәрипидин сиртқа чиқириветилгәнликини көрситип бәрди.

көрүнүштә, бир пәләстинликниң әрәб бирләшмә хәлипилики вәкилләр өмикини (исраилийә билән мунасивәтләрни) нормаллаштуруш тәрәпдарлиқи билән әйиблигәнлики, уларниң нәзәргә елинмайдиғанлиқи, шуңа мәсҗиди әқсадин дәрһал чиқип кетишини тәләп қилғанлиқиға даир җәрйанлар орун алди.

дәталашлардин кейин  әрәб бирләшмә хәлипилики вәкилләр өмики мәсҗиди әқсадин чиқип кетишкә мәҗбур болди.

өткән һәптә, омандин кәлгән вәкилләр өмики исраилийә сақчилириниң қоғдиши астида мәсҗиди әқсани зийарәт қилғаниди.

йеқиндин буйан парс қолтуқи дөләтлиридин кәлгән вәкилләр өмәклириниң исраилийә хәвпсизлик күчлириниң һимайиси астида мәсҗиди әқсани зийарәт қилишқа урунушлири диққәтни тармақта.

исраилийә билән әрәб бирләшмә хәлипилики вә бәһрәйин оттурисидики «мунасивәтләрни нормаллаштуруш келишими» 15-сентәбирдә ақсарайда өткүзүлгән рәсмий мурасимда имзаланғаниди.