хол лагерида тутуп туриливатқан даеш әзалири қойуп берилмәктә

бөлгүнчи терорлуқ тәшкилати й п г/ п к к сүрийәниң шәрқий шималидики хол лагерида тутуп туриватқан даеш әзәлиридин 290 кишини қойуп бәрди.

1511849
хол лагерида тутуп туриливатқан даеш әзалири қойуп берилмәктә

түркийә авази радийоси хәвири: анадолу агентлиқи (AA) ниң йәрлик мәнбәләрдин еришкән учурлириға асасланғанда, терорлуқ тәшкилати районда турушлуқ әрәб қәбилилириниң кипил болуш шәрти билән хол лагеридин 70 аилидин тәшкил тапқан вә сани 290 гә йеқин тутқунни қойуп бәргән.

қойуп берилгәнләр арисида нурғун санда даеш әзаси вә аилә-тавабиатлириниң барлиқи билдүрүлмәктә.

бөлгүнчи терорлуқ тәшкилати й п г/ п к к алдинқи һәптиму терорлуқ тәшкилати даешниң һәмкарлашқучиси икәнлики ениқланған 631 кишини тутуп туриливатқан җайдин тарқақлаштурғанлиқини елан қилған иди.

тарқақлаштурушни давамлаштуруватқан терорлуқ тәшкилати илгириму мушуниңға охшаш ишларни қилип, даеш әзалириниму өз ичигә алған нәччә йүз кишини қойуп бәргән иди.

бөлгүнчи терорлуқ тәшкилати й п г/ п к к 2017 - йили апрелда қурулған хол лагерида, террорлуқ тәшкилати даеш әзалири билән тоқунуштин қачқан пуқралардин башқа йәнә, өзи тәслим болған даеш әзалири вә аилилирини тутуп турмақта иди.

лагерда бу тәшкилат тәрипидин тутуп туруливатқан пуқраларниң  инсанийәткә хилап шараит астида йашаватқанлиқи хәвәр қилинған иди.

лагердики асаслиқ мәсилиләр؛ тазилиқтин мәһрум,  һаҗәтхана, мунча өйлири, йиртиқ чедирлар, вақти өтүп кәткән йемәкликләр, созулма характерлик кесәлләр, дора билән тәминлийәлмәслик вә бимарларниң һалидин хәвәр алмаслиқ қатарлиқлар икәнлики уқтурулған иди.

бирләшкән дөләтләр тәшкилатиниң санлиқ мәлуматиға асасланғанда, 10 миң кишилик хол лагерида 7-8 һәссә артуқ киши тутуп туриливатқан болуп, буларниң көпинчиси айаллар вә балилардин тәркиб тапидикән.

хол лагерида тәхминән 50 дөләттин кәлгән бир қанчә миң чәтәллик вә нурғун санда сурийә вә ирақлиқ терорчиларниң барлиқи мәлум.

 



مۇناسىۋەتلىك خەۋەرلەر