trampning somalidin esker chékindürüshni telep qilghanliqi ilgiri sürüldi
amérika qoshma shtatliri pirézidénti donald trampning, «somalidiki amérika eskerlirining chékinishini telep qilghanliqi» ilgiri sürüldi.
türkiye awazi radiyosi xewiri: bilumbérg téléwiziyesining amérika emeldarlirini menbe qilghan xewiride, pirézidént trampning amérika pirézidéntliq saylimi riqabiti paaliyiti jeryanida tilgha alghan amérika eskerlirini döletke qayturup kélish wedisining bir qismi süpitide somalidiki eskerlerning chékindürülüshini telep qilghanliqi ilgiri sürüldi.
mezkur emeldarlar, «amérika dölet mudapie ministirliqining chékinishni pilanlawatqanliqi»ni ilgiri sürgen bolsimu, emma péntagon - beshburjeklik bina teripidin téxi bu heqte resmiy bayanat élan qilinmidi.
rozhdéstwo bayrimidin ilgiri afghanistandin pütünley chékinish pilani washingtonda talash- tartish peyda qilghanidi, donald trampning elqaide teshkilati küchlük bolghan somalidin esker chékindürüsh niyitiningmu talash- tartish peyda qilidighanliqi mölcherlenmekte.
amérika afriqa qisimliri qomandanliq merkizining sanliq melumatlirigha qarighanda, somalida 800 etrapida amérika eskiri bar bolup, ularning hemmisi tiramp dewride ewetilgeniken.
péntagon uzundin buyan afriqadiki amérika qisimlirini chékindürüp, ularni tinch okyan rayonigha orunlashturushni pilanlimaqta idi.
