wang yi amérikaning hindi-tinch okyan siyasitige naraziliq bildürdi
xitay tashqi ishlar ministiri wang yi amérikaning hindi-tinch okyan rayonigha qaratqan siyasetlirining «zor xewpsizlik tehditi» peyda qilidighanliqini éytti.
türkiye awazi radiyosi xewiri: xitay tashqi ishlar ministiri wang yi malayshiya ziyaritining axirqi künide malayshiya tashqi ishlar ministiri hishamuddin hüseyin bilen birlikte ötküzülgen axbarat élan qilish yighinida, amérikaning hindi-tinch okyan siyasiti üstide toxtaldi.
u amérikaning hindi-tinch okyan döletliri bilen xitaygha qarshi ortaq heriket qilishni xalaydighanliqini ilgiri sürüp: «amérikaning heqiqiy meqsiti hindi-tinch okyan natosi qurush. meqset qilinghan nerse, burunqi usuldiki soghuq urush idiyesini qayturup kélip, terepler otturisida toqunushlarni kücheytip, géo politikiliq riqabetlerni ulghaytish. bu istratégiye zor xewpsizlik tehditi peyda qilidu» dédi.
u sherqiy jenubiy asiya döletlirining jenubiy déngizda xitay bilen bolghan mesililirining diyalog ichide hel qilinishi kéreklikini eskertip, bu mesililerge sirtning arilishishini tosush kéreklikini bildürdi.
