п к к ниң синҗардики лагерлири синға елинди

ирақниң мусул шәһиригә қарашлиқ синҗар наһийәсидики мәвҗудийитигә хатимә берилиши күтүлүватқан бөлгүнчи террорлуқ тәшкилати п к к ниң райондики паалийәтлири давамлашмақта.

1508229
п к к ниң синҗардики лагерлири синға елинди

түркийә авази радийоси хәвири: анадолу агентлиқи, уда 6 йилдин буйан мусул вилайитиниң синҗар наһийәсидә һәрбий вә сийасий  паалийәтләрни елип бериватқан бөлгүнчи террорлуқ тәшкилати п к к ға аит лагерлар вә сийасий паалийәт саһәлирини синға алди.

ирақ һөкүмити билән ирақ корд районлуқ һөкүмити оттурисида имзаланған келишимгә, п к к ниң синҗардики мәвҗудийитигә хатимә бериш маддисиниң киргүзүлүши, тәшкилатниң райондики мәвҗудийитини йәнә бир қетим күнтәртипкә елип кәлди.

анадолу агентлиқи, террорлуқ тәшкилати п к к ниң синҗардики лагерлирини синға елиш арқилиқ, тәшкилатниң райондики мәвҗудийитиниң давамлишиватқанлиқини испатлап бәрди.

анадолу агентлиқи мухбири синға алған көрүнүшләрдә, п к к террорчилири орунлишивалған синҗарда, тәшкилатқа аит мәшиқ лагерлири, аталмиш хәлқ мәҗлислири вә контрол нуқтилири көзгә челиқиду.

бағдад вә әрбил оттурисидики салаийити талаш – тартишлиқ районлардин бири болған, һәмдә террорлуқ тәшкилати п к к мәвҗудийитини давамлаштуруватқан синҗардики сақлиниватқан мәсилиләрни һәл қилиш мәқситидә, 9 – өктәбир күни пайтәхт бағдадда өткүзүлгән йиғинда келишим һасил қилинғанлиқи уқтурулғаниди.

ирақ баш министири мустафа әлқазиминиң рийасәтчиликидә чақирилған йиғинға, бирләшкән дөләтләр тәшкилати баш катипиниң ирақ алаһидә вәкили Jeanine hennis, ирақ корд районлуқ һөкүмити һәйити вә әзийи хәлқиниң вәкиллири қатнашқаниди.

террорлуқ тәшкилати п к к, 2014 – йили, террорлуқ тәшкилати даешни баһанә қилип, синҗар вә әтрапиға орунлишивалғаниди.  



مۇناسىۋەتلىك خەۋەرلەر