nato: türkiye bilen girétsiyeni söhbet üstili etrapida uchrashturushqa muweppeq bolduq

türkiye awazi radiyosi xewiri: shimaliy atlantik ehdi teshkilati – nato bash katipi yéns stolténbérg, aqdéngizda türkiye bilen girétsiye otturisida yüz bergen ziddiyetni peseytish yolidiki xizmetler heqqide toxtilip, «biz türkiye bilen girétsiyeni nato riyasetchiliki astida uchrashturushqa muweppeq boldu » dédi.

slowakiyening paytexti bratislawada ötküzülgen «bratislawa yershari bixeterlik munbiri» yighinigha sin körünüshlük halette ishtirak qilghan stolténbérg, nöwettiki éqim mesililiri toghrisida söz qildi.

u, mushu heptining béshida ishqa ashurghan türkiye we gerétsiye ziyaretlirini tilgha élip, her ikki döletning natoning muhim ittipaqdashliri ikenlikini, bezi mesililerde ikki terep otturisida küchlük ixtilaplarning barliqini qeyt qildi.

stolténbérg, ixtilapni diyalog we birlikte chiqish yoli tépish musapisini bésip ötidighanliqini eskertti.

ikki dölet otturisidiki jiddiychilikning ötken heptining axiridin tartip azayghanliqini xatiritilip ötken stolténbérg, «biz türkiye bilen girétsiyeni nato riyasetchiliki astida uchrashturushqa muweppeq bolduq. (ikki terep otturisida) qaza we hadisilerning yüz bérish xewpini azaytish üchün biz <ayrip qoyush usulliri méxanizmi> dep atighan méxanizmni ishqa salduq» dédi.

stolténbérg, aqdéngizda ittipaqdashlar otturisida kütülmigen hadisilerning yüz bérishini aldini élish üchün, nato herbiy ishlar komitétining terepler bilen alaqilishiwatqanliqini bildürdi.

stolténbérg, erméniyening ishghali astidiki taghliq qarabagh rayonida ezerbeyjan bilen erméniye otturisida dawamlishiwatqan toqunushlarning kishini endishige salidighanliqini tekitlep, tereplerni yene bir qétim urush toxtitishqa chaqirdi.