йавропа: түркийә билән бәрпачи дийалог орнитиш үчүн бошлуқ ечишни пиланлаватимиз

йавропа иттипақи кеңиши башлиқи чарлиз мишел, түркийә билән бәрпачи дийалог орнитиш бошлуқи йаритишни мәқсәт қилғанлиқлирини уқтурди.

1499784
йавропа: түркийә билән бәрпачи дийалог орнитиш үчүн бошлуқ ечишни пиланлаватимиз

түркийә авази радийоси хәвири: чарлиз мишел, 1-, 2 - өктәбир күнлири белгийәниң пайтәхти бирйусселда чақирилидиған йавропа иттипақи кеңиши йиғинидин илгири йавропа иттипақи дөләтлири рәһбәрлиригә әвәткән тәклипнамисини елан қилди.

мишел, икки күнлүк йиғинниң асаслиқ мәзмуниниң йавропаниң дунйадики орни вә өзиниң тәқдирини өзи бәлгиләш иқтидари болидиғанлиқини байан қилди вә йиғинниң биринчи бөлүмидә, йавропа иттипақи - хитай мунасивитиниң музакирә қилинидиғанлиқини билдүрди.

йиғинниң биринчи бөлүминиң ахирида, беларусийәдики вәзийәт, рус өктичи алексей навалнийниң зәһәрлиниши вә тағлиқ қарабағ мәсилисиниң муһакимә қилинидиғанлиқиға ишарәт қилған мишел, кәчлик тамақниң пүтүнләй шәрқий ақдеңиз вәзийити вә түркийә билән болған мунасивәтләргә аҗритилидиғанлиқини қәйт қилди.

«мәқситимиз районниң һәммила йеридә муқимлиқ вә тинчлиқни капаләткә игә қилиш үчүн түркийә билән бәрпачи бир дийалог үчүн бошлуқ йаритиш» дегән мешил, йавропа иттипақи әзалириниң игилик һоқуқиға һөрмәт қилинишини қолға кәлтүрүшни көзләватқанлиқлирини, буниң пәқәт түркийә бәрпачи позитсийәдә болғандила ишқа ашидиғанлиқини илгири сүрди вә йавропа иттипақи әзалириниң мәнпәәтлирини қоғдаш үчүн барлиқ таллаш йоллириниң үстәл үстидә икәнликиниң сигналини бәрди.



مۇناسىۋەتلىك خەۋەرلەر