laworw: «astana formatsiyesi» muhim rol oynawatidu

rusiye tashqi ishlar ministiri sérgéy lawrow «astana formatsiyesi» ning süriye asasiy qanun komitétining teshkil qilinishida muhim rol oynawatqanliqini éytti.

1497153
laworw: «astana formatsiyesi» muhim rol oynawatidu

türkiye awazi radiyosi xewiri: iran tashqi ishlar ministiri muhemmed jewad zerif bilen paytext moskwada bir yerge jem bolghan laworw, uchrishishtin kéyin ötküzülgen qoshma axbarat élan qilish yighinida qilghan sözide, süriye hakimiyiti bilen öktichiler otturisida ötküzülüshi pilanliniwatqan söhbet mesiliside, «astana formatsiyesi» ning süriyelikler ara ixtilaplarni hel qilish meqsitide ishqa kirishtürülgenlikini, «astana formatsiyesi» ning süriye asasiy qanun komitétining teshkil qilinishida muhim rol oynawatqanliqini, rusiye, iran we türkiyening, süriye asasiy qanun komitétining paaliyet dairisi mesiliside dawamliq hemkarlishiwatqanliqini tekitlep mundaq dédi: «rusiye, iran we türkiye, süriye asasiy qanun komitétining paaliyet dairisi mesiliside dawamliq hemkarlishiwatidu. bu intayin tebiiy ehwaldur. chünki hemkarlishish netijiside hel qilinishqa tégishlik mesililermu otturigha chiqmaqta.»

iran tashqi ishlar ministiri muhemmed jewad zerifmu, «astana formatsiyesi» ning süriye asasiy qanun komitétining teshkil qilinishida türtkilik rol oynawatqanliqini eskertti.

süriyede toqunushmasliq rayonliri berpa qilish nishan qilinghan «astana formatsiyesi», 2017 – yili mayda, türkiye, rusiye we iran imzalighan kélishim arqiliq ishqa kirishtürülgenidi.



مۇناسىۋەتلىك خەۋەرلەر