ливийә билән германийә рус йалланма әскәрлирини ливийәдин қоғлап чиқириш тоғрисида сөзләшти

ливийә ички ишлар министири фәтһи башаға германийәниң тираблустики баш әлчиси оливер овкза билән русийә йалланма әскәрлирини чеградин қоғлап чиқириш мәсилиси тоғрисида сөһбәтләшти.

1495317
ливийә билән германийә рус йалланма әскәрлирини ливийәдин қоғлап чиқириш тоғрисида сөзләшти

түркийә авази радийоси хәвири: ливийә ички ишлар министири фәтһи башаға иҗтимаий алақә тори тивиттердики адресида арқилиқ байанат елан қилип, «германийә баш әлчиси билән өткүзгән бүгүнки учришишимизда, бихәтәрлик вә сақлиниватқан мәсилиләрни сийасий усул билән һәл қилиш билән биргә, муқим ливийә йаритиш үчүн русийә йалланма әскәрлириниң чеградин қоғлап чиқирилиши тоғрисида сөһбәт елип бардуқ» деди.

германийә баш әлчисиму тивиттер адреси арқилиқ байанат елан қилип, учришишта, башағаниң ливийә бирлики вә бихәтәрлики мәсилилиригә диққитини мәркәзләштүргәнликидин хушаллиқ һес қилғанлиқини қәйт қилди.

овкза, башаға билән барлиқ миллий вә хәлқаралиқ тиришчанлиқларниң бирләшкән дөләтләр тәшкилати (б д т) рәһбәрликидики ливийәниң мувәппәқийәтлик сийасий диалогиға йүзлиниши керәклики мәсилисидә бирдәклик һасил қилғанлиқлирини әскәртти.

мәзкур русийә йалланма әскәрлириниң дөләтниң шәрқидики қанунсиз қораллиқ күчләрниң рәһбири хәлифә һафтәрни қоллаватқанлиқи илгири сүрүлмәктә.

ливийәдә мәңгүлүк уруш тохтитишни ишқа ашуруп, сийасий мусапигә қәдәм қойуш мәқситидә  2020- йили 1-айниң 19- күни германийәниң пайтәхти берлинда йиғин өткүзүлгәниди.



مۇناسىۋەتلىك خەۋەرلەر