малайшийа қирғиқида 6 көчмәнниң җәсити тепилди

малайшийаға деңиз йоли билән беришқа урунуш җәрйанида суға ғәрқ болған 6 көчмәнниң җәсити қирғақтин тепилди.

1494390
малайшийа қирғиқида 6 көчмәнниң җәсити тепилди

түркийә авази радийоси хәвири: малайшийа деңиз қирғиқи муһапизәт әтритиниң байанатида, түнүгүн (2020-йили 20-сентәбир)  әтигәндә деңиз бойидики җохор өлкисигә қарашлиқ кота тиңги деңиз саһилида 6 кишиниң җәситиниң тепилғанлиқи билдүрүлди.

деңиз қирғиқи муһапизәт әтрити байанатчиси һүсәйин замора көчмәнләрниң һиндонезийәлик икәнликини билдүрүп: «җәсәтләрни тапқандин кейин, вәқә йүз бәргән җайдин бир километир йирақлиқта охшаш көчмән гурупписиға тәвә 6 нәпәр һиндонезийә пуқрасини назарәткә алдуқ» деди.

һүсәйин замора җенидин айрилғанларниң 4 нәпириниң айал, 2 нәпириниң әр вә уларниң 31 йаштин 46 йашқичә икәнликини тәкитлиди.

һүсәйин замора җәсәтләрниң қанун дохтурханисиға елип берилғанлиқини вә назарәткә елинғанларниң чеградин қоғлап чиқирилидиғанлиқини уқтурди.



مۇناسىۋەتلىك خەۋەرلەر