liwiye türkiyening hemkarliqida armiyeni yéngilash xizmetlirini bashlidi

liwiye dölet mudapie ministiri salahiddin ennemrush, türkiye bilen armiyeni yéngidin qurush we tereqqiy qildürüsh programmiliririni ijra qilishni bashlighanliqini élan qildi.

1494258
liwiye türkiyening hemkarliqida armiyeni yéngilash xizmetlirini bashlidi

 

 

türkiye awazi radiyosi xewiri: liwiye dölet mudapie ministiri salahiddin ennemrush féysbuktiki hésabida élan qilghan bayanatida, dölet mudapie ministirliqining liwiyediki qanunluq hökümetni qollaydighan türkiye terep bilen körüshkenlikini, alaqining dawam qiliwatqanliqini bildürüp, «biz türkiye terep bilen birlikte qoralliq armiyeni yéngidin qurush, hawa mudapiesi, déngiz armiyesi, térorluqqa qarshi küresh we alahide qisimlarni tereqqiy qildurush programmilirini yolgha qoyushqa bashliduq» dédi.

salahiddin ennemrush bu munasiwet bilen tunji telim - terbiye merkizining paytext tiripolining gherbide teyyarlanghanliqini we aldinqi qatardiki wezipining xelqara ölchemlerge uyghun bir armiye qurup chiqish ikenlikini éytti.

liwiye dölet mudapie ministiri salahiddin ennemrush 17 – awghusttiki bayanatida herbiy telim - terbiye we meslihet saheside herbiy organlarning qurulishi üchün liwiyeni qollash heqqide türkiye we qatar dölet mudapie ministirliri bilen kélishim hasil qilghanliqini élan qilghan idi.


خەتكۈچ: #armiye , #türkiye , #liwiye

مۇناسىۋەتلىك خەۋەرلەر