доналд трампқа зәһәрлик мәктуп йоллиған айал назарәткә елинди

америка пирезиденти доналд трамп үчүн ақсарайға ичидә зәһәрлик «рисин» маддиси болған мәктупни йоллиған айал назарәткә елинди.

1494414
доналд трампқа зәһәрлик мәктуп йоллиған айал назарәткә елинди

 

түркийә авази радийоси хәвири: исмини ашкарилашни халимайдиған 3 нәпәр сақчи әмәлдариниң «Associated Press» бирләшмә агентлиқиға бәргән байанатида, ақсарайға йетип келиштин бурун шәнбә күни (2020-йили 19-сентәбир)  почтиханидики тәкшүрүш җәрйанида байқалған зәһәрлик мәктупни йоллиған айалниң, канада чеграсидики нйу йорк өлкисигә қарашлиқ буффало шәһиридики тинчлиқ көврүкидә қолға чүшкәнликини билдүрүлди.

мәзкур айалниң америка таможна вә чегра қоғдаш тармиқиниң хадимлири тәрипидин назарәткә елинғанлиқи уқтурулди.

даириләр исми ашкариланмиған мәзкур айалниң федератсийә тәкшүрүш әйибләшлиригә дуч келиши мумкинликини тәкитлиди.

бу арилиқта, канада хан җәмәти сақчилириму бу хәтниң канададин әвәтилгәнликини елан қилди.

америка мәтбуатлирида шәнбә күни елан қилинған хәвәрләрдә, пирезидент трамп үчүн алдинқи һәптә ақсарайға әвәтилгән вә ичидә әҗәллик зәһәрлик мадда «рисин» байқалған хәтниң қолға чүшүрүлгәнлики билдүрүлгән иди.

мәктупқа даир федератсийә тәкшүрүш идариси (FBI) вә пирезидентни қоғдашқа мәсул мәхпий хизмәт оргини бирликтә тәкшүрүш башлиған вә  икки хил тәкшүрүш нәтиҗисидә, мәктупта рисин маддисиниң барлиқи җәзмләштүрүлгән иди.

чаң-тозан, ис-түтәк йаки кислата шәклидә әвәтилидиған рисин маддиси көңли елишиш, қусуш, ашқазан вә үчәйдә қанаш, җигәр, тал вә бөрәкни зәипләштүрүш шундақла қан айлиниш системисини вәйран қилип, өлүмни кәлтүрүп чиқириш иқтидариға игә.

һазирғичә, үнүми интайин йуқири бу «рисин» намлиқ зәһәрни қайтуридиған зәһәр қайтуруш дориси тепилғини йоқ.



مۇناسىۋەتلىك خەۋەرلەر