amérika xitayning «TikTok»  epini cheklesh belgilimisini bir hepte kéchiktüridighan boldi

amérika soda ministirliqi dölet bixeterlikini qoghdashni asas qilip  xitayning «ByteDance» shirkitige tewe «TikTok»  alaqe supisini chüshürüp qachilashni cheklesh belgilimisining bir hepte kéchiktürülidighanliqini élan qildi.

1493932
amérika xitayning «TikTok»  epini cheklesh belgilimisini bir hepte kéchiktüridighan boldi

türkiye awazi radiyosi xewiri: amérika pirézidénti donald trampning xitaygha tewe ijtimaiy alaqe supisi «TikTok» ning amérikidiki shöbisini «Oracle-Walmart» shirkiti bilen hemkarliship sétiwélish belgilimisi heqqide kélishimge imza qoyush mumkinchiliki barliqini élan qilghandin kéyin, soda ministirliqi «TikTok» ni chekleshke dair bayanat élan qildi.

körülgen ijabiy ilgirileshlerge asasen we tirampning yétekchilikide, amérika soda ministiri wilbur rosning 20 - séntebirdin bashlap yolgha qoyulmaqchi bolghan «TikTok» ni cheklesh uqturushining 27 - séntebirge kéchiktürilidighanliqi xewer qilindi.

amérika soda ministirliqi 18 -  sintebirde, dölet bixeterlikini qoghdashni asas qilip, xitaygha tewe ijtimaiy taratqu epliridin «TikTok» we «WeChat» ni 20 - séntebirdin étibaren chüshürüp qachilash cheklinidighanliqini élan qilghan idi.

ministirliqning bayanatida, bu eplerning köchme qollinishchan dukanlar arqiliq pul yötkesh we pul tölesh mulazimitige ruxset qilinmaydighanliqi uqturulghan idi.

bayanatta, 12 - noyabirghiche dölet bixeterlikige bolghan endishe hel qilinghan teqdirde, trampning bu cheklimilerni bikar qilalaydighanliqi bildürülgen idi.

 


خەتكۈچ: #TikTok , #xitay , #amérika

مۇناسىۋەتلىك خەۋەرلەر