түнүгүн 2 метеорит йәршариға йеқин җайдин өтти
астрономлар, бирси аптобус чоңлуқида вә йәнә бирси аптомобил чоңлиқида икки кичик метеоритниң йәршариға йеқин җайдин өткәнликини билдүрди.
түркийә авази радийоси хәвири: америка авиатсийә вә аләм қатниши идариси (NASA) ға қарашлиқ реактип иттириш тәҗрибиханиси қармиқидики йәршари сама җисимлири тәтқиқат мәркизи тәрипидин елан қилинған байанатқа асасланғанда, «2020 RF3» вә «2020 RD4» дәп аталған икки метеорит икки саәт арилиқ ташлап, алдинқи күни кәчтә йәр шариға йеқин җайдин өткән.
метеоритларниң аптобус чоңлуқидики биринчисиниң йәр шариға 94 миң километир вә аптомобил чоңлуқидики иккинчисиниң 106 миң километир йеқинлашқанлиқи билдүрүлди.
һәр йили марс билән йупитер оттурисидики кичик сәййариләр бәлвеғи вә нептунниң сиртидики купер кичик сәййариләр бәлбиғидин аҗрап чиққан нурғунлиған метеоритлар қуйаш системисиниң ички қисмиға шуңғуйду. уларниң бәзилири йәр шари орбитасиға қәдәр келәләйду.
