amérika pakistanning talibanlar bilen afghanistan otturisidiki muzakiride oynighan rolini maxtidi

amérika pirézidénti donald trampning afghanistan alahide wekili zalmay xalizad we amérika wekiller ömiki pakistanning talibanlar bilen afghanistanliqlar otturisidiki söhbet musapiside oynighan rolini maxtidi.

1490862
amérika pakistanning talibanlar bilen afghanistan otturisidiki muzakiride oynighan rolini maxtidi

türkiye awazi radiyosi xewiri: pakistan armiyesining bayanatida, zalmay xalizad  we amérika wekiller ömikining pakistan ziyariti jeryanida, quruqluq armiye qomandani qemer jawid bajwa bilen rawalpindi shehiride körüshkenliki bildürüldi.

bayanatta, pakistanning dawamlishiwatqan tinchliq musapisidiki rolining wekiller ömikining alqishigha érishkenliki tekitlendi we pakistanning semimiy we shertsiz qollishi bolmay turup, bu utuqning ishqa ashmaydighanliqi bildürüldi.

afghanistanda uzun yil dawamlashqan urushni axirlashturush üchün talibanlar bilen afghanistanliqlar otturisidiki muzakiriler 12-séntebir qatarning paytexti dohada bashlanghan idi.

afghanistan döletlik yarashturush aliy kéngishining reisi abdulla abdulla dohada ötküzülgen muxbirlarni kütüwélish yighinida afghanistan hökümiti bilen talibanning tinchliq üchün bir yerge jem bolishining intayin muhim bir qedem ikenlikini, taliban bilen afghanistan otturisidiki muzakirilerning dawam qilidighanliqini éyttqan idi.


خەتكۈچ: #taliban , #pakistan , #amérika

مۇناسىۋەتلىك خەۋەرلەر