xitay amérikaliq diplomatlarning paaliyetlirige qoshumche cheklimilerni qoydi

béyjing, xitay we xongkongda ishlewatqan amérika diplomatlirining paaliyetlirige yéngi cheklimilerning qoyulghanliqini uqturdi.

1489298
xitay amérikaliq diplomatlarning paaliyetlirige qoshumche cheklimilerni qoydi

türkiye awazi radiyosi xewiri: xitay tashqi ishlar ministirliqi bayanatchisi yazma bayanat élan qilip, yéngi qaide - tüzümlerning amérika qoshma ishtatlirining béyjingdiki elchixanisi we xitayning herqaysi jayliridiki konsulxanilirida ishleydighan yuqiri derijilik diplomatlar üchün küchke ige ikenlikini eskertti.

bayanatta yene, xitayning amérika bilen «her sahede hemkarliq ornitish we normal almashturush» ni qollaydighanliqi, eger amérika bultur xitay diplomatlirigha qaratqan tedbirlirini bikar qilsa, béyjing teripidin qoyulghan yéngi cheklimilerning bikar qilinidighanliqi qeyt qilindi.

ismi ashkarilanmighan bayanatchi bayanatida, «biz amérika terepni xataliqlirini tézdin tüzitishke, shundaqla xitay elchixaniliri, konsulxaniliri we xizmetchilerge qoyulghan kishini heyran qalduridighan cheklimilerni bikar qilishqa yene bir qétim chaqirimiz. xitay amérikaning heriketlirige oxshash usulda jawab qayturidu» dégen ibarilerni ishletti


خەتكۈچ: #cheklime , #diplomat , #amérika , #xitay

مۇناسىۋەتلىك خەۋەرلەر