голландийә ирақта хата өлтүрүп салған пуқраларға төләм төләйдиған болди

голландийә 2015 -йили ирақниң мосул шәһиридә елип барған һава һуҗумида еһтийатсизлиқтин өлтүргән пуқраларға төләм төләйдиған болди.

1487424
голландийә ирақта хата өлтүрүп салған пуқраларға төләм төләйдиған болди

түркийә авази радийоси хәвири: голландийә дөләт мудапиә министири әнк биҗлевелд голландийә парламентиға йазған хетидә, 2015 - йили 21 - сентәбирдә мосулдики терорлуқ тәшкилати даешқа тәвә дәп қаралған бир өйгә қилинған һуҗумда, 4 туғқинидин айрилип қалған ирақлиқ бассим раззониң зийининиң төләмгә еришидиғанлиқини билдүрди.

биҗлевелд голландийәниң өз ризаси билән раззониң маддий вә мәнивий зийинини төлишиниң мәсулийәтни қобул қилғанлиқ болмайдиғанлиқини ейтти.

төләм соммисиниң миқдари ашкариланмиди. раззониң адвокати лисбет зегвелд министирликкә қарши 2 милйон йавролуқ төләм дәваси ачқан иди.

бирләшмә күчләрниң 2015 - йили 21 - синтәбирдә мосулда терорлуқ тәшкилати даешқа қарши елип барған һәрикити җәрйанида, бассим раззоға тәвә өй хата истихбарат сәвәбидин голландийәниң F-16 айропилани тәрипидин һуҗумға учриған вә раззониң айали, қизи, иниси вә нәврә акиси һуҗумда һайатидин айрилған иди.

һуҗум һәққидики тәкшүрүш нәтиҗисидә, «бомба ишләпчиқиридиған бир завутқа елип берилған  һуҗум» дәп қаралған һава һуҗуми җәрйанида әл-һавиҗа районидики бир мәһәллиниң вәйран қиилинғанлиқи вә бу бирләшмә армийәниң даешқа қарши күрүштики әң қанлиқ һуҗуми болуп қалғанлиқи елан қилинған иди.



مۇناسىۋەتلىك خەۋەرلەر