heniyye: «pelestinde bir milliy ittipaqliq hökümiti qurulishi lazim»
hamas siyasiy béurosining bashliqi ismail heniyye pelestinde bir milliy ittipaqliq hökümiti qurulishi kérekliki heqqide chaqiriq élan qildi.
türkiye awazi radiyosi xewiri: liwanning paytexti béyruttin pelestin dölet téléwiziye istansisining ziyaritini qobul qilghan heniyye, «iyordan deryasining gherbiy qirghiqi we ghezze rayonidiki bir milliy ittipaqliq hökümiti, pelestindiki bölünüshni axirlashturushning muqeddimisi bolalaydighan üch wezipini üstige alidu» dédi.
heniyye qurulushi kérekliki heqqide chaqiriqta bolghan hökümetning wezipisini chüshendürüp, iyordan deryasining gherbiy qirghiqi we ghezzede pelestin hökümiti organlirini birlikke keltürüsh, qanun chiqirish, pirézidént we dölet parlaménti saylamlirigha teyyarliq qilish, ghezzediki qamalni axirlashturush we iyordan deryasining gherbiy qirghiqidiki ishghaliyet pilanlirigha qarshi turush wezipisi öteydighanliqini éytti.
heniyye bölünüshni qandaq tügitish üstide xizmet qilidighan bir komitétning ramallah we béyrutta pelestin guruppilirining rehberliri otturisida ötküzülgen uchrishishlarni orunlashturudighanliqini bildürdi.
heniyye pelestin xelqining quddusni qoghdishi üchün ümmetning aldinqi sépide turiwatqanliqini, bu sheherni pelestin, ereb, islam, xiristiyan we insaniyliqtin ayriwétish pilanliniwatqanliqini eskertip, «quddus mesilisi asasliq mesilidur, arzu qilinghan nerse pilangha qarshi turushtur» dédi.
heniyye pelestinliklerning qaytish hoquqining amérika we israiliyening zorawanliqi bilen siyasiy qirghinchiliqqa uchrighanliqini tilgha élip, «bezi kishiler bashqa weten we köchüsh mesililirini tilgha élishmaqta» dédi.
