yaponiyede teyféng borini agahlandurishi élan qilindi

türkiye awazi radiyosi xewiri: yaponiyede hepte béshidin bashlap kyushu rayonigha tesir körsitiwatqan maysak teyféng borini bilen yekshenbe küni yétip kélishi mölcherliniwatqan xeyshén teyféng borini toghrisida agahlandurush élan qilindi.

météorologiye idarisi (JMA) ning bildürüshiche, maysak teyféng borini kyushu rayonining shimaligha yétip barghan bolup, xeyshén teyféng borini bolsa, tinch okyandiki mariana arili etrapidin döletke yéqinlashmaqta.

maysak teyféng borinining süritini ashurghanliqi we güldürmamiliq yamghurda naha shehiridiki derexlerning yolgha yiqilghanliqi we okinawa ölkiside 8 kishining yénik yarilanghanliqi bildürüldi.

nachar hawarayi sewebidin rayonda 100 din artuq nöwetchi ayropilan emeldin qalduruldi. hiroshimada yuqiri süretlik poyiz mulazimiti toxtitildi.

maysak teyféng borinining saitige 200 kilomitirdin artuq süret bilen nagasaki ölkisige qarashliq tsushima arilining gherbiy jenubidin koréye yérim ariligha yüzlinidighanliqi mölcherlenmekte.

yekshenbe küni kechte yaponiyege yétip baridighanliqi ilgiri sürülgen xeyshén teyféng borinining küchlük dolqun we shiddetlik yamghurlargha seweb bolishi mölcherlenmekte.

yene bir tereptin, amami-oshima arilining gherbige 185 kilomitir kélidighan jaydin jiddiy qutquzush chaqiriqi élan qilghan panama ijazetnamisige ige 11 ming 900 tonniliq déngiz qoltuqi charwa malliri  yük paraxotini izdesh xizmetliri dawamlashmaqta.

dölet mudapie ministirliqining bildürishiche, yaponiye déngiz qirghiqi muhapizet paraxoti we déngiz-okyan mudapie armiyesi (MSDF)ge tewe razwédka ayropilani rayonda qutquzush kiyimi kiygen bir kishini déngizdin chiqarghan.

14 – awghustta yéngi zélandiyedin 43 paraxot xadimi we 5800 haywanni élip xitaygha qarap yolgha chiqqan yük paraxotini izdesh xizmiti dawamlashmaqta.