ирақтики әзидиләр терорлуқ тәшкилати п к к ниң райондин чиқип кетишини тәләп қилди

ирақтики әзидиләр мосулниң синҗар районида бөлгүнчи терорлуқ тәшкилати п к к ни халимайдиғанлиқини вә бу тәшкилатниң райондин чиқип кетиши керәкликини тәләп қилди.

1484302
ирақтики әзидиләр терорлуқ тәшкилати п к к ниң райондин чиқип кетишини тәләп қилди

түркийә авази радийоси хәвири: әзидиләрниң мәниви даһийсиниң вәкили мир исмәт таһсин бәг, дуһокниң шәйхән районидики әзидиләр муқәддәс билидиған лалаш ибадәтханисида анадолу агентлиқиға байанат бәрди.

таһсин бәг терорлуқ тәшкилати даешниң синҗардики әзидиләргә һуҗум қилғиниға 6 йил болған болсиму, әзиди җәмийитиниң йәнила тәһдит астида икәнликини билдүрүп, синҗардики асаслиқ тәһдитниң п к к икәнликини ейтти.

таһсин бәг: «бу йәрдә бир қисим қораллиқ гуруппилар бар  вә улар бу тәһдитниң сәвәпчилиридур. қораллиқ гуруппилар бу йәрдин чиқип кетиши вә районни әзидиләргә тапшуруп бериши лазим. шеңгал тағлирида қанунсиз қораллиқ гуруппиларла болидикән, әзидиләр йуртлириға қайталмайду» деди.

таһсин бег 90% тин көпрәк әзидиниң бу қанунсиз гуруппиларни халимайдиғанлиқини вә уларниң синҗардин чиқип кетиши керәкликини әскәртти.

терорлуқ тәшкилати даеш 2014-йили 8-айниң 3-күни синҗар наһийәсигә һуҗум қилип, айаллар вә балиларни өз ичигә алған миңлиған кишиләрни тутқун қилған вә өлтүргән йаки қол илкидики районларда тутуп кәткән иди.

террорлуқ тәшкилати п к к му синҗарни даештин қутулдуруш баһаниси билән 2014 - йилдин буйан районни база қиливилишни давамлаштурмақта иди.



مۇناسىۋەتلىك خەۋەرلەر