йавропа иттипақи гиретсийәни түркийә билән дийалог өткүзүшкә чақирди

түркийәниң шәрқий ақдеңиз (шәрқий оттура деңиз) дики йоллуқ һәқ – һоқуқлириға игә чиқиши гиретсийәни сарасимигә селип қойди.

1482180
йавропа иттипақи гиретсийәни түркийә билән дийалог өткүзүшкә чақирди

түркийә авази радийоси хәвири: түркийәниң шәрқий ақдеңиз (шәрқий оттура деңиз) дики йоллуқ һәқ – һоқуқлириға игә чиқиши гиретсийәни сарасимигә селип қойди. атина (афена) даирилири җиддийчиликни улғайтқучи қәдәмлиригә һәркүни йеңилирини қошушни давамлаштурмақта.

мисир билән деңиздики салаһийәт саһәлири тоғрисида хәлқара қанунни бир чәткә қайрип қойған һалда бир келишим имзалиған атина һөкүмити, җиддийчиликни улғайтидиған йәнә бир қәдәмни ташлашқа тәййарлиқ қилмақта.

гиретсийә ташқи ишлар министири никос дендиас «реалнйуз» гезитиниң соаллириға җаваб берип, «шараит пишип йетиләр – йетилмәйла қибрис рим тәрипи биләнму алаһидә иқтисадий районниң чеграсини көрситидиған бир келишим имзалаймиз» деди вә сөзини давамлаштуруп, мәзкур келишим арқилиқ деңиздики салаһийәт саһәлириниң рәсмийликкә игә болидиғанлиқини илгири сүрди.

мутәхәсссиләрниң қаришичә, дендиасниң иғвагәр байанатиниң һечқандақ қануний асасий йоқ икән. чүнки, гиретсийә билән қибрис рим тәрипи саһиллири өзара тутишидиған чеграларға игә әмәс икән.

гиретсийә, һазирқи шараитта мәис арилини чөридигән һалда бир чәклимә келишими имзалийалайдиғанлиқини илгири сүрүватқан болсиму, хәлқара қанунда көрситилишичә, аралларниң гиретсийә илгири сүрүватқан дәриҗидә деңиз саһәси вә алаһидә иқтисадий район елан қилиш һәққи йоқ икән.

бу, гиретсийәниңму рим тәрәп билән деңиз салаһийәт саһәси чеграси йоқлуқини көрситидикән.

гирек министир, қошнилири билән дийалог өткүзүшни қоллайдиғанлиқлирини илгири сүрсиму, атинаниң асасий ғәризиниң түркийәниң райондики паалийәтлириниң алдини елиш икәнлики мәлум.

йәнә бир тәрәптин, йавропа иттипақи гиретсийәни дийалог өткүзүшкә чақирип, җиддийчиликни улғайтиветидиған бир тәрәплимә қәдәмләрни ташлашниң орниға түркийә билән дийалог өткүзүшкә еһтийаҗ барлиқини уқтурди.

йавропа комитети байанат берип, мәсилигә дипломатик чарә тепиш үчүн тиришчанлиқ көрситиливатқанлиқини билдүрди؛  «түркийә билән дийалог орнитишқа еһтийаҗ бар» дейилгән байанатта, җиддийчиликни улғайтиветидиған бир тәрәплимә қәдәмләрни ташлаштин сақлиниш лазимлиқи тәкитләнгәндин кейин, «бу һәр икки тәрәп үчүн пайдилиқ» дегән ибариләргә орун берилди.



مۇناسىۋەتلىك خەۋەرلەر