پېنتاگون فىرانسىيە بىلەن گىرېتسىيەنىڭ ئاقدېڭىزدىكى ھەرىكەتلىرىدىن ئەندىشە قىلىۋاتقانلىقىنى بىلدۈردى
ئامېرىكا قوشما ئىشتاتلىرى مۇداپىئە مىنىستىرلىقى – پېنتاگون باياناتچىسى جوناتان ھوفمان، گىرېتسىيە بىلەن فىرانسىيە دېڭىز ئارمىيەلىرىنىڭ ئاقدېڭىز (ئوتتۇرا دېڭىز) نىڭ شەرقىدە بىرلەشمە ھەربىي مانېۋىر ئۆتكۈزۈشىدىن ئەندىشە قىلىۋاتقانلىقلىرىنى بىلدۈردى.
1472900
تۈركىيە ئاۋازى رادىيوسى خەۋىرى: پېنتاگون باياناتچىسى جوناتان ھوفمان مۇخبىرلارنى كۈتۈۋېلىش يىغىنى سۆز قىلىپ، «شەرقىي ئاقدېڭىزدىكى ئۆزگىرىشلەردىن ئەندىشە قىلىۋاتقانلىقىمىز ئېنىق» دېدى.
فىرانسىيە بىلەن تۈركىيەنىڭ، ئامېرىكا قوشما ئىشتاتلىرىنىڭ شىمالىي ئاتلانتىك ئەھدى تەشكىلاتى – ناتو ئىچىدىكى ئىنتايىن مۇھىم ئىككى ئىتتىپاقدىشى ئىكەنلىكىنى بىلدۈرگەن ھوفمان، «سوغۇقچىلىقنىڭ پەسكۇيغا چۈشۈشىنى، ئۇلارنىڭ ھەمكارلىقنى داۋاملاشتۇرۇپ، ئۇرۇش پاراخوتلىرى ياكى ئايروپىلانلىرىنى ئىشتىلىشنى ئۆز ئىچىگە ئالمىغان چارىلەرنى تېپىپ چىقىشىنى خالايمىز» دېگەنلەرنى قەيت قىلدى.