америка русийәниң ваксиниси тоғрисида байанат бәрди

америка сәһийә министири алекс азар, русийә пирезиденти виладимир путинниң, русийәниң вухән вируси (ковид – 19) ваксинисини тизимға алдурғанлиқи тоғрисидики байанати һәққидә тохталди.

1471591
америка русийәниң ваксиниси тоғрисида байанат бәрди

түркийә авази радийоси хәвири: америка сәһийә министири алекс азар, русийә пирезиденти виладимир путинниң, русийәниң вухән вируси (ковид – 19) ваксинисини тизимға алдурғанлиқи тоғрисидики байанати һәққидә тохтилип, «муһими ваксина ишләпчиқарған тунҗи тәрәп болуш әмәс. муһими бу ваксининиң америка вә дунйа хәлқи үчүн ишәнчлик вә үнүмлүк болушидур» деди.

азар, «ABC» қанилиниң нәқ мәйдан сөһбәт пирограммисиға қатнишип, путинниң ковид – 19 ваксиниси тоғрисидики сөзлири һәққидә тохталди؛ у, ваксининиң үч басқучлуқ килиникилиқ синақтин утуқлуқ өткәнликигә даир очуқ – ашкара санлиқ мәлуматларға еһтийаҗ барлиқиға ишарәт қилип, «муһими ваксина ишләпчиқарған тунҗи тәрәп болуш әмәс. муһими бу ваксининиң америка вә дунйа хәлқи үчүн ишәнчлик вә үнүмлүк болушидур» деди.

министир азар, америка қошма иштатлириниң мушу йилниң ахириғичә онларчә милйон ваксиниға игә болуш йолида илгириләватқанлиқини вә намзат ваксиниларниң үч басқучлуқ синақтин өткәнликини тәкитлиди.

путин телевизийә йиғинида сөз қилип, дөлитиниң ковид – 19 ваксиниси хизмәтлиригә ишарәт қилғандин кейин, «билишимчә, дунйада тунҗи қетим корона вируси ваксиниси тизимға елинди. ваксина күчлүк иммунитет системиси шәкилләндүриду вә у зөрүр болған барлиқ тәкшүрүшләрдин өтти» дегәниди.



مۇناسىۋەتلىك خەۋەرلەر