трамп: сайламда байдин ғәлибә қилса, америкалиқлар хитайчә өгинишкә мәҗбур болиду

америка пирезиденти доналд трамп, 3 – нойабирда өткүзүлидиған сайламда демократ рәқиби җо байдин ғәлибә қилған тәқдирдә, хәлқниң хитайчә өгинишкә мәҗбур болуп қелиш мумкинчилики барлиқини ейтти.

1471441
трамп: сайламда байдин ғәлибә қилса, америкалиқлар хитайчә өгинишкә мәҗбур болиду

түркийә авази радийоси хәвири: доналд трамп бир радийо сөһбәт пирограммисида, демократ рәқиби җо байдинниң хитайға тутуватқан позитсийәсини әйибләп, «сайламда мән ғәлибә қилалмисам, хитай, америка қошма иштатлириниң саһиби болиду. арқидин америкалиқлар хитайчә сөзлишишни өгинишкә мәҗбур болуп қалиду» деди.

йуқум оттуриға чиқиштин илгири өзиниң хитай дөләт рәиси ши җинпиң билән болған мунасивитиниң йахши икәнликини әскәрткән трамп, «бизниң нөвәттики мунасивитимиз бәк йахши әмәс, чүнки (улар) ковид – 19 мәсилисидә тегишлик ишни қилмиди» деди.

ши җинпиң билән узундин буйан көрүшмигәнликини тәкитлигән трамп, хитайда оттуриға чиққан вирусниң өзиниң сийасий позитсийәсигиму тәсир көрсәткәнликини тәкитләп, «хитай вабаси (ковид – 19) бизниң дөлитимизгә келиштин бурун мениңчә җорҗ вашингтонму сайламда мени йеңиштә қийналған болатти» дегәнләрни сөзлиригә илавә қилди.  



مۇناسىۋەتلىك خەۋەرلەر