германийә: русийәниң ваксиниси йетәрлик дәриҗидә синақтин өткүзүлмиди

германийә, русийәниң вухән вируси (ковид – 19) ваксинисиниң йетәрлик дәриҗидә синақ қилинмиғанлиқини, милйардларчә кишини бәк балдур ваксинилашниң хәтәрлик икәнликини билдүрди.

1471589
германийә: русийәниң ваксиниси йетәрлик дәриҗидә синақтин өткүзүлмиди

түркийә авази радийоси хәвири: русийә президенти виладимир путин, гамалейа институти тәрипидин ишләпчиқирилған, русийәниң тунҗи ковид – 19 ваксинисиниң сәһийә министирлиқиниң мақуллуқидин өткәнликини елан қилғаниди вә бу ковид – 19 ваксиниси рәсмий тәстиқтин өткән тунҗи дөләт болғаниди.

москваниң ахирқи синақлар тамамланмастинла ваксинини тәстиқлиши бәзи мутәхәсисисләрдә әндишә пәйда қилди؛ германийә сәһийә министири йенс спан, «милйонларчә инсанни, һәтта милйардларчә инсанни бәк балдур ваксинилашқа башлаш хәтәрлик болуши мумкин. русийәдә болуп өткән ишлардин бәкла гуманлинимән. асаслиқ мәсилә, русларниң бизгә бәк көп бир нәрсә демәслики. бу йетәрлик дәриҗидә синақ қилинмиди» деди.

спан, йуқум җәрйанидиму синақларни қилип, нәтиҗисини хәлқ билән ортақлишишниң ишәнч муһити йаритиш нуқтисидин интайин муһим икәнликини ейтти.

дунйа сәһийә тәшкилати тәрипидин елан қилинған байанатта, «рус сәһийә әмәлдарлири билән алақилишиватимиз. ваксининиң дунйа сәһийә тәшкилатиниң асаслиқ өлчәмлирини орундиған болуши керәклики тоғрисидики алақә давам қиливатиду. дәсләпки қәдәмдики лайақәтлик болуш өлчими, ваксининиң барлиқ бихәтәрлик вә үнүм нәтиҗилириниң әстайидил тәкшүрүлүшини өз ичигә алиду» дегән ибариләргә орун берилди.



مۇناسىۋەتلىك خەۋەرلەر