sisi hökümitining girétsiye bilen tüzgen kélishimi misir xelqining naraziliqigha uchridi
öz dölitining sirtida yashawatqan misir öktichiliri girétsiye bilen misir imzalighan atalmish déngiz teweliki heq - hoquqini cheklik halgha keltürüsh kélishimining pütünley inawetsiz ikenlikini élan qildi.
türkiye awazi radiyosi xewiri: qurulush we tereqqiyat partiyesining sabiq reisi tariq ez zumur we döletlik kishilik hoquq kéngishining sabiq ezasi usame rushdi qatarliq misir öktichiliri yazma bayanat élan qilip, girétsiye bilen imzalanghan atalmish déngiz teweliki heq - hoquqini cheklik halgha keltürüsh kélishimige naraziliq bildürdi.
misirning istratégiyelik menpeetliri, tarixi hoquqi we tebiiy bayliqlirini qoghdash kérekliki tekitlengen bayanatta, misir hakimiyitining «bu kélishimler xelqara déngiz-okyan qanunigha mas kélidu» dégen sözini qobul qilghili bolmaydighanliqi we mentiqisiz ikenliki bildürüldi.
bayanatta, «girétsiye bilen misir otturisidiki déngiz kélishimi héchqandaq inawetke ige emes. déngiz teweliki heq - hoquqini cheklik halgha keltürüsh kélishimi misirning alahide iqtisadiy rayonidin, nechche yüz milyard dollardin we tebiiy bayliqlardin waz kéchish bolupla qalmastin, öz nöwitide yene kelgüside bashqa rayonlardiki tebiiy bayliqliridin paydilinish pursitinimu yoqatqanliq bolidu» déyildi.
misir bilen girétsiye otturisidiki atalmish «déngiz teweliki heq - hoquqini cheklik halgha keltürüsh kélishimi » 6 - awghustta qahirede misir tashqi ishlar ministiri samix shükri we girétsiye tashqi ishlar ministiri nikos déndiyas teripidin imzalanghan idi.
türkiye tashqi ishlar ministiri mewlüt chawushoghlu atalmish kélishimning, hem türkiye, hem liwiyening chong quruqluqtiki heq - hoquqigha dexli-teruz qilghanliq ikenlikini élan qilghan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
