seudi erebistanning amérikagha qatarni ishghal qilishni tewsiye qilghanliqi ashkarilandi
amérika «tashqi siyaset» géziti seudi erebistanning qatargha émbargo yürgüzgendin kéyin, amérika prézidénti donald trampqa 2017 - yili 6 - ayda qatarni ishghal qilishni tewsiye qilghanliqini ashkarilidi.
türkiye awazi radiyosi xewiri: gézitning sherqiy rayondiki krizis we pars qoltuqi krizisige munasiwetlik xewiride, seudi erebistan padishahi salman bin abdulezizning qatarni qamal qilghandin bir kün kéyinla, 2017 - yili 6 - iyunda tramp bilen téléfonda körüshüp, qatarni ishghal qilish teklipi bergenliki, lékin tarampning bu teklipke qetiy qarshi turidighanliqini bildürgenliki qeyt qilindi.
gézitning körsitishiche, amérika hökümiti kéyinche pars qoltuqi hemkarliq kéngishi térrotoriyesi dairisidiki toqunushni hel qilish üchün kuweyttin muressechilik qilip bérishni telep qilghan.
seudi erebistan, behreyin, ereb birleshme xelipiliki we misir birlikte 2017 - yili 6 - ayda, qatarni rayonni muqimsizlashturush we térrorluqni qollash bilen eyibligen biraq qatar hökümiti bu barliq eyibleshlerning asassiz ikenlikini élan qilghan idi.
mezkur döletler qatargha yürgüzgen émbargo we qamalni bikar qilish üchün qatargha eljezire qanilining taqilishini öz ichige alghan 13 shertni sunghan idi.lékin qatar bu shertlerning igilik hoquqigha dexli-teruz qilghanliq ikenlikini bildürüp, shertlerni eyibligen we qetiy orundimaydighanliqini jakarlighan idi.
qatardiki kishilik hoquq komitéti (NHRC) shu jeryanda, seudi erebistan, ereb birleshme xelipiliki we behreynning 4275 qétim kishilik hoquqqa dexli-teruz qilghanliqini élan qildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
