ئامېرىكانىڭ ئىران ئالاھىدە ۋەكىلى ھۇك ۋەزىپىسىدىن ئىستېپا بەردى

تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرى مايك پومپېيو  يازما بايانات ئېلان قىلىپ، «برىئان ھۇك، ئامېرىكانىڭ ئىران ئالاھىدە ۋەكىللىكى ۋە تاشقى ئىشلار مىنىستىرلىقىنىڭ مەسلىھەتچىلىك ۋەزىپىسىدىن ئىستېپا بېرىشنى قارار قىلدى» دېدى.

ھۇكنىڭ ئىككى يىلدىن ئارتۇق ۋاقىتتىن بۇيان بۇ خىزمەتنى ئۆتەپ كېلىۋاتقانلىقىنى ۋە ئىران مەسىلىسىدە زور ئۇتۇقلارنى قولغا كەلتۈرگەنلىكىنى بىلدۈرگەن پومپېيو، «ھۇك مەن ئۈچۈن ئىشەنچىلىك بىر مەسلىھەتچى ۋە ياخشى دوست ئىدى. ئۇنىڭغا قىلغان خىزمەتچىلىرى ئۈچۈن رەھمەت ئېيتىمەن» دېگەنلەرنى قەيت قىلدى.

مايك پومپېيو، ھۇكنىڭ ئورنىغا يېڭى بىر كىشى تەيىنلىنىپ بولغۇچە، ئامېرىكانىڭ ۋېنېزۇئېلا ئالاھىدە ۋەكىلى ئېلىئوت ئابرامسنىڭ ھەم ۋېنېزۇئېلا ھەم ئىران ئالاھىدە ۋەكىللىك خىزمىتىنى ئۆتەيدىغانلىقىنى ئەسكەرتتى.