pakistan jammu keshmirni öz chige alghan yéngi bir xeritini élan qildi

türkiye awazi radiyosi xewiri: pakistan taratqulirining xewerlirige qarighanda, imran xan, jammu keshmir rayonining aptonomiyelik salahiyitining bikar qilinghinigha bir yil toshushqa bir kün qalghanda mezkur xeritini élan qilip rayonni pakistan zémini dep körsetken.

imran xan teripidin élan qilinghan xeritide rayon «qanunsiz halda ishghal qiliniwélinghan jammu keshmir» dep ataldi.

mezkur yéngi xeritining pakistan ichki kabiniti, öktichi partiyeler we keshmir rehberlirining maqulluqidin ötkenlikini tekitligen imran xan, buning döletke nisbeten tarixiy bir kün ikenlikini eskertti.

u, jammu keshmir rayonining pakistanning bir parchisi bolidighanliqini tilgha élip, bu xeritining bu yolning tunji qedimi ikenlikini qeyt qildi.

hindistan 2019 – yili 5 – awghustta asasiy qanungha özgertish kirgüzüsh arqiliq jammu keshmir rayonining aptonomiyelik salahiyitini bikar qilip, ölkilik hökümetni tarqitiwétip, rayonni merkezge qarashliq ikki ayrim rayongha ayriwetkenidi.

qarardin kéyin hindistan xewpsizlik küchliri jammu keshmir rayonida amanliqni saqlash xizmetlirini kücheytip, xelqning üstidiki bésimni éghirlashturghan, kochigha chiqish cheklimisi bilen birlikte intérnét, téléfon we qatnash cheklimilirini yolgha qoyghan, rayondiki yerlik partiyelerning rehberliri we ezalirini nazaret astigha alghanidi.