awstriyede amérika we israiliyege qarshi namayish ötküzüldi
awstriyening paytexti wiyénnada namayish ötküzülüp, israiliyening pelestinliklerge yürgüzgen qanunsiz qilmishlirigha we amérikaning bu döletni qollishigha naraziliq bildürüldi.
türkiye awazi radiyosi xewiri: amérikaning wiyénnadiki elchixanisining aldigha toplanghan namayishchilar, «pelestin zéminlirining ishghal qilinishigha qarshi turimiz», «awstraliye israiliye we amérika impériyalizmini qollimasliqi kérek» we «israiliyeni bayqut qilayli, ishghalgha qarshi turayli» dégendek xetler yézilghan pilakatlarni kötürüshti.
namayish esnasida qilinghan sözlerde, israiliyening ishghali astidiki iyordan deryasining gherbiy qirghiqigha jaylashqan bezi jaylarni özige qoshuwélish pilanigha naraziliq bildürülüp, rayonda xatirjemlik ornitish üchün 1967 – yilidiki kélishimning rohigha asasen ikki döletlik hel qilish pilanini ijra qilishning zörürlüki tekitlendi.
namayishchilar söz qilghanlar, bolupmu awstriye bilen gérmaniyening israiliye bilen ornatqan tor sahesidiki herbiy hemkarliqni bikar qilishni we israiliyedin sétiwalmaqchi bolghan bixeterlik sistémilirini emeldin qaldurushini telep qildi.
namayishta söz qilghan katolik pop franz siédér, bir diniy erbab bolush süpiti bilen tinchliqning berpa bolush üchün zulumgha uchrighuchining yénida turushi kéreklikini bildürüp, israiliye – pelestin mesiliside zulumgha uchrighuchi terepning pelestinlikler ikenlikini éytti.