imran xan: téhran - riyad sürkilishi rayongha nisbeten eng nachar sénariye

pakistan bash ministiri imran xan, iran bilen seudi erebistan otturisidiki bir toqunushning «rayongha nisbeten eng nachar sénariye» hésablinidighanliqini éytti.

1466663
imran xan: téhran - riyad sürkilishi rayongha nisbeten eng nachar sénariye

türkiye awazi radiyosi xewiri: imran xan qatarning «eljezire» qaniligha bayanat bérip, dölitining ottura sherq siyasitige isharet qilghan halda, «rayongha nisbeten eng nachar sénariye iran bilen seudi erebistan otturisida chiqidighan biwasite toqunushtur» dédi.

pakistan bash ministiri imran xan dölitining buning aldini élishqa tirishiwatqanliqini bildürüp, «téhran bilen riyad otturisidiki muresseleshtürgüchilikimiz dawamlishiwatidu, biraq asta ilgirilewatidu» dédi.

u, musulmanlar hindistanda duch kéliwatqan ayrimchiliq toghrisidimu toxtilip, «hindistanda musulmanlargha qiliniwatqan ishlar yehudiylarning natsist gérmaniyeside bashtin kechürgenlirige oxshaydu» dégenlerni qeyt qildi.

dölitining yemende tinchliq ornitishqa tiriishiwatqanliqini bildürgen imran xan, rayonda yüz bergen ishlargha «insaniy kirizis» dep baha berdi.

bash ministir imran xan türkiye – pakistan munasiwetliri toghrisida bolsa, «türkiye bilen iqtisadiy hemkarliqimizni kücheytip munasiwetlirimizni chongqurlashturushni xalaymiz» dédi.


خەتكۈچ: #pakistan , #imran xan

مۇناسىۋەتلىك خەۋەرلەر