tramp «tik tok»ning bir amérika shirkitige sétilishi üchün 15 - séntebirgiche möhlet berdi
amérika pirézidénti donald tramp, dölitidiki tarmiqi amérikadiki herqandaq bir amérika shirkitige sétilmighan teqdirde, xitay merkezlik ijtimaiy taratqu süpisi tik tokni 15 – séntebirde amérikada meni qilidighanliqini uqturdi.
türkiye awazi radiyosi xewiri: amérika pirézidénti donald tramp aqsarayda muxbirlarning, xitayning «BateDance» shirkitining «tik tok» epining amérikada cheklinidighanliqi toghrisidiki detalashlargha dair soallirigha jawab berdi.
u jüme künidiki bayanatida, tik tokni amérikada cheklesh üchün bir pirézidéntliq qararnamesi imzalaydighanliqigha isharet qilghanidi.
maykrosoft tünügün bayanat bérip, shirketning bashliqi satya nadéllaning donald tramp bilen körüshkenlikini uqturghanidi.
tramp bilen nadéllaning uchrishishidin kéyin, shirketning tik – tokning amérika shöbisini sétiwélishqa alaqidar uchrishishlarning bashlighanliqi eskertilgen bayanatta, «maykrosoft, pirézidéntning qayghulirining muhakime qilinishini muhim dep qaraydu» dégen ibarilerge orun bérilgenidi.
bayanatta, epning amérika, kanada, awstraliye we yéngi zélandiyediki mulazimetliri bilen bu döletlerde meshghulat élip bérish hoquqini sétiwélish toghrisida kélishim hasil qilishni chöridep söhbet ötküzüwatqanliqi qeyt qilinghanidi.
