америка хоңкоңда сайламларниң кечиктүрүлүшини әйиблиди

америка қошма иштатлири хоңкоңда қанун кеңиши сайламлириниң кечиктүрүлүшини әйиблиди.

1465318
америка хоңкоңда сайламларниң кечиктүрүлүшини әйиблиди

түркийә авази радийоси хәвири: ақсарай байанатчиси кайлег макенанси, хоңкоңда қанун кеңиши сайламлириниң бир йил кечиктүрүлүши тоғрулуқ елан қилған байанатида мундақ деди: «хоңкоң һөкүмитиниң қанун кеңиши сайламлирини бир йил кечиктүрүш вә өктичи намзатларниң салаһийитини бикар қилиш қарарини әйибләймиз. дәрвәқә, бу қарар хоңкоңниң демократик вә әркинлик мусаписиға тосқунлуқ қилди.»

хоңкоңниң баш иҗраийә әмәлдари кари лам, түнүгүн елан қилған байанатида, һөкүмәтниң, «вухән вируси» билән йуқумланғучилар сани көпийип кәткәнликтин, қанун кеңиши сайламлирини бир йил кечиктүридиғанлиқини билдүрүп мундақ дегәниди: «биз сағламлиқ мәсилисигә һәққанийәт вә омумниң бихәтәрликини қоғдаш арқилиқ капаләтлик қилишни халаймиз . дәрвәқә, сайламларниң очуқ – ашкара, адил вә тәрәпсиз өткүзүлүшигә капаләтлик қилишимиз керәк. шуңа, бу қарар интайин муһим.»



مۇناسىۋەتلىك خەۋەرلەر