tramp hökümiti bezi sheherlerge dölet xewpsizlik küchlirini ewetidighanliqini uqturdi

amérika qoshma ishtatlirida tramp hökümiti jinayi qilmishlargha qarshi küresh üchün détroit, kléwéland we milwaké sheherlirige fédératsiye xewpsizlik küchlirini ewetidighanliqlirini uqturdi.

1464241
tramp hökümiti bezi sheherlerge dölet xewpsizlik küchlirini ewetidighanliqini uqturdi

türkiye awazi radiyosi xewiri: edliye ministirliqi teripidin bu heqte élan qilinghan yazma bayanatta eskertilishiche, mushu ayning bashlirida herqaysi sheherlerdiki jinayi qilmishlargha qarshi küresh üchün bashlitilghan «epsane» herbiy herikitining dairisi yene 3 sheherge kéngeytilgen. zorawanliq weqeliri ewj élip ketken détroit, kléwéland we milwaké sheherlirigimu 25 tin fédératsiye xewpsizlik küchi ewetilidiken.

yene bir tereptin, yéqinqi künlerde zorawanliq weqelirige aylinip ketken irqchiliq we saqchilarning zorawanliqigha qarshi namayishlargha mudaxile qilishi üchün ötken hepte orégon ishtatigha qarashliq portland shehirige ewetilgen fédératsiye xewpsizlik küchliri chékinidiken.

edliye ministirliqi, jinayi qilmishlargha qarshi küresh üchün 8 – iyul küni kansasta «epsane» herbiy herikitini bashlatqanidi.

herbiy heriketning dairisi 22 – iyul küni chikago we albukérkéghiche kéngeytilgenidi.

igilinishiche, tramp, chong sheherlerdiki jinayi qilmishlarning ewj élip kétishining sewebi, démokrat waliy we sheher bashliqlirining yéterlik derijide tedbir qollanmasliqi , dep qaraydiken.



مۇناسىۋەتلىك خەۋەرلەر