ливийәдә һәфтәрниң сәплиридә уруш қилған балиларниң бир қисми қойуп берилди
ливийә армийәси дөләтниң шәрқидики қанунсиз күчләрниң рәһбири һәфтәрниң сәплиридә уруш қиливатқанда тутулуп қалған балилардин бир қисминиң қойуп берилгәнликини билдүрди.
түркийә авази радийоси хәвири: ливийә һөкүмити тәрипидин давамлаштурулуватқан «ғәзәп волқини» һәрбий һәрикити қоманданлиқ иштабиниң аммиви ортақлишиш тор бети Facebook сәһиписидә елан қилинған байанатта, һәфтәрниң сәплиридә уруш қиливатқанда тутулуп қалған 18 йаштин кичик балилардин бир қисминиң қойуп берилгәнлики билдүрүлди, әмма бу балиларниң сани һәққидә мәлумат берилмиди.
ливийә һөкүмити һәфтәр күчлирини траблус һуҗумлири җәрйанида «бала җәңчи» ишлитиш билән әйиблимәктә.
һәфтәр пайтәхт траблусни қолға киргүзүш үчүн 2019 – йили 4 – апрел күни һуҗумға өтүш үчүн буйруқ чүшүргән, буниңға асасән, ливийә армийәсигә қарашлиқ қисимларму һәфтәр күчлиригә қарши қайтурма һуҗумға өткәниди.
2011 – йилдин буйан қанунлуқ салаһийәт киризисини баштин кәчүрүватқан ливийәдә, хәлқара җәмийәт тәрипидин етирап қилинған һөкүмәткә қарашлиқ қисимлар билән һәфтәргә қарашлиқ күчләр оттурисида тоқунушлар давамлашмақта.
مۇناسىۋەتلىك خەۋەرلەر
русийә муавин дөләт мудапиә министири қолға елинди
русийә муавин дөләт мудапиә министири тимур иванов пара елиш җинайити билән әйиблинип қолға елинди.
гиретсийәни чــөл ـ җәзиــрә чаң – тузаңлири қаплап кәтти
гиретсийәниң пайтәхти атинани африқадин кәлгән чــөл ـ җәзиــрә чаң – тузаңлири қаплап кәтти.