трамп зораванлиқ вәқәлиригә арилашқанларни агаһландурди
америка қошма иштатлири пирезиденти доналд трамп дөләттики сақчиларға қарши намайишларда федератсийә биналириға зийан йәткүзгәнләрниң кәм дегәндә 10 йиллиқ қамақ җазаси билән сотлинидиғанлиқи тоғрулуқ агаһландуруш бәрди.
түркийә авази радийоси хәвири: трамп дөләттики ирқчилиқ вә сақчи зораванлиқиға қарши өткүзүлгән намайишларниң зораванлиқ вәқәлиригә айлинип кетишидин кейин, федератсийә биналириниң зийанға учришиға аммиви ортақлишиш тор бети Twitter сәһиписидә наразилиқ билдүрди.
орегон иштатиға қарашлиқ портланд шәһиридә федератсийә сот мәһкимиси бинасиға намайишчилар тәрипидин от қойуп берилгәнликини әскәрткән трамп мундақ дәп көрсәтти: «портландики федератсийә сот мәһкимиси бинасиға, йаки һәрқандақ бир иштатимиз вә шәһиримиздики һәрқандақ бир федератсийә сот мәһкимисигә от қойуп бәргән, йаки зийан йәткүзгән зораванлар, иғвагәрләр йаки намайишчилар, биз йеқинда мақуллиған һәйкәлләр вә абидиләр қануни даирисидә сотқа тартилиду.»
мәзкур қанун даирисидә федератсийә биналириға зийан йәткүзгән кишиләргә кәм дегәндә 10 йиллиқ қамақ җазаси берилидиғанлиқини қәйт қилған трамп, «силәрни агаһландуримән, бундақ қилмаңлар» деди.
америка қошма иштатлириниң миннесота иштатида теги африқалиқ америкалиқ җорҗ флойидниң 25 – май күни сақчиниң зораванлиқи нәтиҗисидә өлүп кетишидин кейин, көплигән шәһәрләрдә наразилиқ намайишлири өткүзүлгән вә бу намайишлар бәзи чоң шәһәрләрдә зораванлиқ вәқәлиригә айлинип кәткәниди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
