африқалиқ көчмәнләр деңизда қапселип қалди

африқадин ақдеңиз арқилиқ йавропаға өтүп кәтмәкчи болған вә «җиддий йардәм» қилишни чақириқ қилған 95 мусапир 30 саәттин артуқ вақиттин қутқузушни күтүп турмақта.

1462753
африқалиқ көчмәнләр деңизда қапселип қалди

түркийә авази радийоси хәвири: ақдеңиздики көч долқуни вә көчмәнләрниң йардәм чақириқлирини твитетрда елан қилған «аларм фон» (Alarm Phone) намлиқ твиттер адреси 33 саәт бурун 95 көчмән олтурған бир қолвақ үчүн «җиддий қутқузуш» чақириқи елан қилғанлиқини билдүрүп: «бир сода парахоти һечқандақ йардәм қилмастин, йирақта қарап турмақта. кишиләр қанчилик қийнилиши керәк? йәнә қанчилик тунҗуқуш хәтири астида туруши керәк? қанчиси һайат қалалайду?» деди.

б д т көч тәшкилатиниң италийәдики шөбисиниң байанатчиси флавийо диҗакомо (Flavio Di Giacomo)  твиттерда «Alarm Phone» ниң чақириқини һәмбәһирләп: «көчмәнләр деңизда қутқузушни күтүп туруватиду. дәрһал қутқузуш һәрикитини башлаш керәк. уларни дәрһал қутқузуш керәк. бу қолвақларниң бихәтәрликтин йирақ вә деңиз қатнишиға мувапиқ әмәсликини, һәр қачан хәтәргә учраш еһтималлиқини есимиздә тутайли» деди.

ақдеңизниң италийә, малта вә ливийә оттурисида қалған райони, йеқинқи йилларда африқадин йавропаға өтидиған көчмәнләрниң линйәсидин беригә айланди.



مۇناسىۋەتلىك خەۋەرلەر