ayasofya jamesining ibadetke échilishi yaponiye, qatar, qazaqistan we pakistan taratqulirida...

ayasofyai kebir jamii sherifte aridin 86 yil ötkendin kéyin ada qilinghan tunji jüme namizi dunya taratqulirining küchlük diqqitini tartti.

1461706
ayasofya jamesining ibadetke échilishi yaponiye, qatar, qazaqistan we pakistan taratqulirida...
CUMHURBASKANİ AYASOFYA7.jpg
CUMHURBASKANİ AYASOFYA6.jpg
CUMHURBASKANİ AYASOFYA4.jpg
CUMHURBASKANİ AYASOFYA1.jpg
5ayasofya ibadete acilma.jpg
erdogan-cavusoglu ayasofya.jpg
6ayasofya ibadete acilma.jpg
8ayasofya ibadete acilma.jpg
10ayasofya ibadete acilma.jpg
11ayasofya ibadete acilma.jpg
12ayasofya ibadete acilma.jpg
15ayasofya ibadete acilma.jpg
japon basini ayasofya.jpg
ayasofya.jpg

türkiye awazi radiyosi xewiri: yaponiye taratquliri xewerliride, ayasofyai kebir jamii sherifning aridin 86 – yil ötkendin kéyin jamege aylandurulushi, jumhur reis rejep tayyip erdoghan we siyasiy rehberlerning tunji jüme namizigha ishtirak qilishi we ayasofyani jamege aylandurush jeryanidiki ichki özgertishlerge dair uchurlargha orun berdi.

«asahi shimbun» géziti, «jamege aylandurulghandin kéyin ayasofyada tunji jüme namizi ada qilindi» serlewhilik xewiride, ibadet waqtidin ikki saet burun namaz öteydighanlarning barliq yollarni toshquzuwetkenlikini bildürdi.

jumhur reis erdoghanning quran kerim tilawet qiliwatqan chéghidiki foto – süritige orun bérilgen xewerde, «namaz waqtida yögiwétilidighan xiristiyan dini mutifliri kéyin échiwétilidu we barliq ziyaretchiler ayasofyani heqsiz ékskursiye qilalaydu» dégen uchurlarni oqurmenliri bilen ortaqlashti.

«yomiuri shimbun» géziti bolsa, ayasofyaning wizantiye impériyesi dewridin bashlanghan tarixidin tartip istanbulning pethi qilinishi bilen osmanli dölitining kontrolluqigha ötkenlikige dair uchurlargha orun berdi, jame we meydanliridiki tunji jüme namizini öteshke kelgenlerning  foto – süretlirige orun berdi.

«tokyo shimbun» géziti, «ayasofyada tunji jüme namizi» serlewhilik xewiride, istanbuldiki dunya yadikarliqining aridin 86 yil ötkendin kéyin erdoghanning qararigha asasen jamege aylandurulghanliqini yazdi. xewerde, jumhur reis erdoghan we siyasiy rehberlerning aldinqi septe turghan foto – süritige orun bérildi.

«nihon kéizai shimbun», «tiji tsuushinsha, okinawa taymz, nikkan sports gézitlirining intérnét sehipilirining bash betliride ayasofyai kebir jamii sherif xewerlirige orun bérildi. buningdin bashqa dölet igilikidiki médiya orgini – NHK, kyodo xewer agéntliqi, nippon xewerler tori, tokyo anglitish sistémisi qatarliq qanal we radiyolarning tor betliridimu échilishqa dair foto – süret we körünüshlerge orun bérildi.

qatar gézitlirining bügünki sanlirimu ayasofyai kebir jamii sherifte ada qilinghan tunji jüme namizigha tarixiy kün, dep baha berdi.

«eshsherq» géziti, mawzulirining birini jumhur reis rejep tayyip erdoghanning «(ayasofyai kebir jamii sherif) pütkül insaniyetning bir medeniyet mirasi süpitide herqaysi dinlarning mensupliri kélip köreleydighan bir jay» dégen sözlirige ajratti.

«erraye» gézitimu birinchi bétide «ayasofya tarixiy bir jüme künide namaz ötigüchiler bilen güllendi» mawzuluq xewer élan qildi. jüme xutbiside sözlengen sözlerni oqurmenliri bilen ortaqlashqan gézit, «ayasofya gumbizining astidin pütkül insaniyetke adalet, tinchliq we merhet chaqiriqliri qilindi. alemshumul qimmetlerning we exlaqiy pirinsiplarning muhapizet qilinishigha righbetlendürüldi» dégen ibarilerge orun berdi.

«weten» gézitining birinchi bétide bolsa «erdoghan, ayasofyadiki tunji jüme namizida quran tilawet qildi» dégen témida xewer berdi. jüme namizigha 350 ming ademning ishtirak qilghanliqini bildürgen gézit, «qérindash türk xelqining we islam ümmitining chégralarni halqighan bir xil shatliq tuyghusigha chümgenliki»ni  qeyt qildi.

ayasofyaning jame süpitide qaytidin échilishi qazaqistan taratquliridimu keng orun aldi.

qazaqistanning yazma we ün – sin médiyalirida orun alghan xewerlerde, ayasofyada tunji jüme namizining ada qilinghanliqi bayan qilinip, aridin 86 yil ötkendin kéyin jumhur reis rejep tayyip erdoghan, diyanet ishliri bashqarmisi bashliqi eli erbash we hökümet ezaliri bilen birlikte minglarche kishining ayasofyadiki tunji jüme namizigha ishtirak qilghanliqi qeyt qilindi.

döletning tirazhi eng köp géziti bolghan «egemen qazaqistan» géziti, xewerni «86 yildin kéyin ayasofyada tunji jüme namizi» dégen téma astida oqurmenliri bilen ortaqlashti, qazaqistan dölet xewer agéntliqi  bolsa, ayasofyaning tarixigha keng orun ajratti.

qazaqistan téléwiziye qanallirining ayasofyagha alaqidar xewerliride, erdoghanning «pütkül insaniyetning bir medeniyet mirasi süpitide herqaysi dinlarning mensupliri kélip köreleydighan bir jay» dégen sözi alahide tekitlendi.

pakistanning aldinqi qatardiki xewer qanalliri bolsa, 86 yildin kéyin ibadetke échilghan ayasofyada ada qilinghan tunji jüme namizigha keng orun ajratti.

pakistanning eng chong qanalliridin géonyuz, ary nyuz, g n n nyuz, 24 nyuz, samaa t.w we bashqa nurghun xewer qanalliri ayasofyadiki jüme namizini neq meydandin ulap tarqatti.

samaa téléwiziye qanili, diyanet ishliri bashliqi eli erbashning xutbisini biwasite halda inglizchigha terjime qilip körürmenliri bilen ortaqlashti.



مۇناسىۋەتلىك خەۋەرلەر