xitay amérikaning chéngdudiki konsulxanisini taqiwétishni qarar qildi
xitay, amérika qoshma ishtatlirigha chéngdu shehiridiki amérika konsulxanisini taqiwitish toghrisida yolyoruq chüshürdi.
türkiye awazi radiyosi xewiri: xitay tashqi ishlar ministirliqi bayanat bérip, 22 – iyulda washington dairilirining xitayning amérikaning xoston shehiridiki konsulxanisini taqiwétish toghrisidiki buyruqidin kéyin, chéngdudiki amérika konsulxanisining ijazetnamesining bikar qilinghanliqini uqturdi.
ministirliq mezkur qarargha «amérika qoshma ishtatlirining mentiqisiz tashlanghan qedimige qayturulghan zörür we yolluq jawab» dep baha berdi.
amérika hökümiti 22 – iyulda téksas ishtatining xoston shehiridiki xitay konsulxanisining 72 saet ichide taqiwétilishi toghrisida yolyoruq chüshürgen we qararning chiqirilish sewebige izahat bérip, xitayning bu yerdiki konsulxanisining «jasusluq we pikir mülüki oghriliqining merkizi» ge aylinip qalghanliqini ilgiri sürgenidi.
