méksikada 6 ayda yüzlerche ayal jinayetning qurbanigha aylinip ketti

méksikada bu yilning deslepki 6 éyi ichide 489 ayal jinayetning qurbanigha aylinip ketti.

1460112
méksikada 6 ayda yüzlerche ayal jinayetning qurbanigha aylinip ketti

türkiye awazi radiyosi xewiri: méksika taratqulirining xewer qilishiche, méksika jamaet xewipsizliki ministirliqi katibat bashqarmisi teripidin élan qilinghan doklatqa qarighanda, bu yil yanwardin iyunghiche bolghan mezgilde, ayallar nishan qilinghan hujumlarda jemiy 489 ayal jinayetning qurbanigha aylinip ketken.

ayallar nishan qilinghan zorawanliq heriketliri yéqinqi aylardin buyan köpiyip ketkenliktin, oxshimighan ammiwi teshkilatlar paytext méksikadiki milliy sarayning aldida namayish ötküzgen.

ammiwi teshkilatlar bilen oqughuchilar,  «eger  bu mesilini hel qilish charisi bolmisa, öz küchimizge tayinip ish körüshni dawamlashturimiz», «némidégen az adalet» dégen xetler yézilghan wiwiskilarni kötürgen halda ayallar nishan qiliniwatqan jinayetlerge naraziliq bildürgen.

igilinishiche, méksika latin amérika boyiche ayallar nishan qiliniwatqan jinayetler eng köp dölet hésablinidiken.


خەتكۈچ: #jinayet , #ayal , #méksika

مۇناسىۋەتلىك خەۋەرلەر