мексикада 6 айда йүзләрчә айал җинайәтниң қурбаниға айлинип кәтти

мексикада бу йилниң дәсләпки 6 ейи ичидә 489 айал җинайәтниң қурбаниға айлинип кәтти.

1460112
мексикада 6 айда йүзләрчә айал җинайәтниң қурбаниға айлинип кәтти

түркийә авази радийоси хәвири: мексика таратқулириниң хәвәр қилишичә, мексика җамаәт хәвипсизлики министирлиқи катибат башқармиси тәрипидин елан қилинған доклатқа қариғанда, бу йил йанвардин ийунғичә болған мәзгилдә, айаллар нишан қилинған һуҗумларда җәмий 489 айал җинайәтниң қурбаниға айлинип кәткән.

айаллар нишан қилинған зораванлиқ һәрикәтлири йеқинқи айлардин буйан көпийип кәткәнликтин, охшимиған аммиви тәшкилатлар пайтәхт мексикадики миллий сарайниң алдида намайиш өткүзгән.

аммиви тәшкилатлар билән оқуғучилар,  «әгәр  бу мәсилини һәл қилиш чариси болмиса, өз күчимизгә тайинип иш көрүшни давамлаштуримиз», «немидегән аз адаләт» дегән хәтләр йезилған вивискиларни көтүргән һалда айаллар нишан қилиниватқан җинайәтләргә наразилиқ билдүргән.

игилинишичә, мексика латин америка бойичә айаллар нишан қилиниватқан җинайәтләр әң көп дөләт һесаблинидикән.



مۇناسىۋەتلىك خەۋەرلەر