israiliyening demeshqni bombardiman qilghanliqi ilgiri sürüldi
süriyede israiliyege ait urush ayropilanlirining paytext demeshqni bombardiman qilghanliqi ilgiri sürüldi.
türkiye awazi radiyosi xewiri: beshsher esed hakimiyitining xewer agéntliqi (sana), israiliye urush ayropilanlirining ishghal astidiki golan égizlikliridin paydilinip, demeshqning jenubi qismini bombardiman qilghanliqini ilgiri sürdi.
herbiy menbelerge asaslinip élan qilinghan xewerde, «hawa mudapie sistémilirimiz, düshmenning bashqurulidighan bombilirining köpinchisini étip chüshürüwetti. bombardimanda peqet maddiy ziyan körüldi» déyildi.
paytext demeshqning jenubida, süriye armiyesidin sirt yene, iran inqilabiy muhapizetchiler armiyesining kontrolluqi astidiki térrorchi guruppilarningmu barliqi bilinidu.
israiliye dairiliri bolsa, bu heqte téxiche héchqandaq bayanat élan qilmidi.
igilinishiche, israiliye, ichki urush bashlanghan 2011 – yildin buyan süriyede pat – pat iran qollawatqan guruppilar we beshsher esed hakimiyitige ait nuqtilargha hujum qilmaqta iken.