б д т әзәрбәйҗан - әрменийә сүркилиши тоғрисида агаһландурди

бирләшкән дөләтләр тәшкилати (б д т), әзәрбәйҗан билән әрменийә оттурисидики тоқунушниң еғирлишип кетишиниң паҗиә билән ахирлишидиғанлиқини билдүрүп агаһландурди.

1458604
б д т әзәрбәйҗан - әрменийә сүркилиши тоғрисида агаһландурди

түркийә авази радийоси хәвири: б д т баш катипи байанатчиси стефан дуҗаррик күндилик мухбирларни күтүвелиш йиғинида, әзәрбәйҗан билән әрменийә оттурисидики сүркилишни чоңқур әндишә ичидә күзитиватқанлиқлирини билдүрди.

у, әзәрбәйҗан билән әрменийәни интайин соғуққан болушқа чақирип, «икки дөләт оттурисидики бүйүк бир тоқунуш паҗиә пәйда қилиду» деди.

әрменийә армийәси, 12 – ийулда товуз чегра районидики әзәрбәйҗанға тәвә җайларға зәмбирәкләрни ишлитип һуҗум қилишқа урунған, әзәрбәйҗан армийәсиниң қайтурма һуҗумға өтүши билән талапәткә учриған һалда райондин чекингәниди. тоқунушта әзәрбәйҗан армийәсидин бири лейтенант болуп җәмий 4 әскәр шеһит болған, 4 әскәр йариланғаниди.

униңдин кейинки күнләрдә давамлашқан тоқунушларда әзәрбәйҗан армийәсидин бири майур генерали болуп 8 әскәр шеһит болғаниди.



مۇناسىۋەتلىك خەۋەرلەر