seudi erebistandiki chiriklikni tenqid qilghan zhurnalist türmidin chiqip wapat boldi
seudi erebistanliq bezi paaliyetchiler xan jemeti sotini tenqid qilghanliqi üchün 2 yildin artuq türmide yatqan zhurnalist salih shayxining ölümide, seudi erebistan hökümitining jawabkarliqi barliqini ilgiri sürmekte.
türkiye awazi radiyosi xewiri: seudi erebistandiki chiriklikni tenqid qilghanliqi üchün 2 yildin artuq türmide yatqandin kéyin qoyup bérilgen zhurnalist yazghuchi salih shayxining tünügün wuxen wirusi sewebidin qaza qilghanliqi bildürüldi.
seudi erebistan hökümitige yéqin axbarat wasitiliridiki xewerlerge asaslanghanda, zhurnalist yazghuchi salih shayxi tünügün kowid -19 sewebidin qaza qilghan.
seudi erebistan hökümitige yéqin axbarat wasitiliri salih shayxining turmige tashlanghanliqi heqqide héchqandaq melumat bermestin, uning wirusqa qarshi 3 hepte küresh qilghanliqinila xewer qildi.
ereb taratquliri bolsa, 2018 - yili melum bir téléwiziye qanilida «xanliq sot mehkimisidiki chiriklik» ke hemmining diqqitini tartqanliqi üchün 5 yilliq qamaq jazasigha höküm qilinghan salih shayxining salametliki nacharlashqandin kéyin, may éyida qoyup bérilgenlikini yazdi.
salih shayxi qoyup bérilgendin kéyin éghir késeller bölümide 2 ay üzlüksiz dawalanghan bolsimu, emma dawalash ünüm bermey wapat boldi.
seudi erebistanliq paaliyetchilerdin teshkil tapqan «tepekkur mehbusliri» tiwittér hésabida, xan jemeti sotigha qaratqan sözliri tüpeylidin 2 yildin artuq türmide yatqan salih shayxining ölümide, seudi erebistan hökümitining jawabkarliqi barliqi ilgiri sürüldi.
مۇناسىۋەتلىك خەۋەرلەر
girétsiyeni chــöl ـ jeziــre chang – tuzangliri qaplap ketti
girétsiyening paytexti atinani afriqadin kelgen chــöl ـ jeziــre chang – tuzangliri qaplap ketti.
