русийә билән хитайниң б д т дики сүрийә лайиһәлирини рәт қилишлири доклатлаштурулди

сүрийә кишилик һоқуқ тори, сүрийәдики ички уруш бойичә русийә билән хитайниң бирләшкән дөләтләр тәшкилати (б д т) хәвпсизлик кеңиши йиғинлиридики рәт қилиш һоқуқидин пайдилинишлири вә улар кәлтүрүп чиқарған ақивәтләр тоғрисида мәлумат бәрди.

1457328
русийә билән хитайниң б д т дики сүрийә лайиһәлирини рәт қилишлири доклатлаштурулди

түркийә авази радийоси хәвири: сүрийә кишилик һоқуқ тори, сүрийәдики ички уруш бойичә русийә билән хитайниң бирләшкән дөләтләр тәшкилати (б д т) хәвпсизлик кеңиши йиғинлирида 16 қетим рәт қилиш һоқуқидин пайдилиниш арқилиқ йүз миңларчә пуқрани қәтл қилған бәшшар әсәд һакимийитиниң сотлинишиға тосқунлуқ қилғанлиқини билдүрди.

пуқралар һоқуқиниң дәпсәндә қилинғанлиқини пакитлаштурған сүрийә кишилик һоқуқ тори, сүрийә ички урушидин башланған (2011) дин буйан б д т хәвпсизлик кеңиши йиғинлирида русийә билән хитайниң әсәд һакимийитигә пайдилиқ шәкилдә ишқа салған рәт қилиш һоқуқлири тоғрисида бир доклат тәййарлап елан қилди.

доклатта көрситилишичә, б д т хәвпсизлик кеңиши йиғинлирида русийә бәшшар әсәд һакимийитини йақлап 16 қетим беләт ташлиған, хитайму охшаш йөнилиштә беләт ташлиған.

доклатта, мәзкур икки дөләтниң рәт қилишлири нәтиҗисидә әсәд вә һакимийитиниң пуқраларға қарши садир қилған җинайәтлири сәвәбидин сотлинишиниң йолиниң тосулуп қалғанлиқи қәйт қилинди.

икки дөләтниң әсәдкә пайдилиқ шәкилдики рәт қилиш қарарлири йүзисидин йүз миңларчә пуқраниң һакимийәт вә униң қоллиғучилириниң һуҗумлирида җенидин айрилғанлиқи тәкитләнгән доклатта, 150 миңдин артуқ кишиниң нөвәттә һакимийәт зинданлирида йетиватқанлиқиға ишарәт қилип өтүлди.



مۇناسىۋەتلىك خەۋەرلەر