ливийә б д т дин ембарго комитети йиғини чақирилишини тәләп қилди

ливийә һөкүмити бирләшкән дөләтләр тәшкилати хәвпсизлик кеңишигә, пайтәхт траблусқа қаритилған һуҗумларни қоллаватқан дөләтләрниң иштирак қилишида ембарго комитети йиғини чақирилиши тоғрулуқ илтимас сунди.

1456863
ливийә б д т дин ембарго комитети йиғини чақирилишини тәләп қилди

түркийә авази радийоси хәвири: ливийә ташқи ишлар министирлиқи байанатчиси муһәммәд әлқәблави, бу һәқтә елан қилған йазма байанатида, бирләшкән дөләтләр тәшкилати хәвпсизлик кеңишигә, мушу ай ичидә ливийә мутәхәссисләр һәйити вә ембарго комитети йиғини өкүзүлүши үчүн рәсмий тәләп сунғанлиқлирини әскәртиш билән бир вақитта, йиғинға, қорал – йарағ ембаргосиниң дәпсәндә қилиниши билән четишлиқи бар болған вә ливийәниң шәрқидики қораллиқ күчләрниң рәһбири хәлифә һәфтәргә қарашлиқ хәлқ әскәрлириниң 2019 – йили апрелдин буйан траблусқа қиливатқан һуҗумлирини қоллаватқан дөләтләрниңму қатнишишини қолға кәлтүрүш үчүн тиришчанлиқ көрситиватқанлиқлирини тәкитләп мундақ деди: «һәрбий – сийасий өзгириш қозғашқа урунғучиларға, йалланма әскәрләргә вә хәлқ әскәрлиригә йардәм бәргән вә бериватқан дөләтләрни паш қилиш мәқситидә шундақ тәләптә болдуқ.»

ливийә армийәси пайтәхт траблусни қолға киргүзүш мәқситидә 2019 – йили апрел ейида һуҗум башлатқан һәфтәр күчлиригә қарши йеқиндин буйан арқимуарқа ғәлибиләрни қолға кәлтүргәниди.

һөкүмәткә қарашлиқ күчләр, алдинқи ай траблус вилайитиниң чегра линийәлирини өз ичигә алған дөләтниң ғәрбидики нопуси әң көп муһим иқтисадий вә қатнаш мәркәзлиридин һәфтәр күчлирини қоғдап чиқарғаниди.



مۇناسىۋەتلىك خەۋەرلەر