песков: биз айа сафийә масилисигә арилишивелишни халимаймиз вә ойлимаймиз

түркийә авази радийоси хәвири: песков пайтәхт москвада күн тәртипкә мунасивәтлик темилар үстидә тохталди.

песков әзәрбәйҗан-әрменийә чеграсидики тоқунуштин қаттиқ әндишә қиливатқанлиқини билдүрүп. «биз тәрәпләрни мөтидиллиққа вә уруш тохтитиш басқучидики мәҗбурийәтлирини ада қилишқа чақиримиз» деди.

песков русийә ташқи ишлар министири сергей лавровниң түнүгүн әзәрбәйҗанлиқ вә әрменийәлик мәнсәпдашлири билән телефонда сөһбәтләшкәнликини әскәртти вә мурәссәчи болушқа тәййар икәнликини тәкитлиди.

йәнә бир тәрәптин, айа софйәни ибадәткә ечиш қарари үстидиму тохталған песков, «бу түркийәниң ички иши, биз униңға арилишивелишни халимаймиз вә ойлимаймиз» деди.

песков айа софийәниң бирләшкән дөләтләр тәшкилати маарип, илим-пән вә мәдәнийәт тәшкилатиниң мираси сүпитидә қоғдилишиниң моһимлиқини тәкитләп, түркийә рәһбәрлириниң бу йөнилиштики байанлирини мәмнунлуқ билән қарши алғанлиқини ейтти.